"დამშვიდდი ჩიორა... თაქთაქიშვილის "უმწიკვლო" დემაგოგია... "- გოგა ხაჩიძე

სოც.მედია - 22:58, 10 Jul, 2015

8794

ჩიორა თაქთაქიშვილის მხრიდან მის მიმართ გამოთქმულ კრიტიკას გოგა ხაჩიძე სოციალურ ქსელში გამოეხმაურა:
"დღეს, პარლამენტში კენჭისყრის წინა რეგისტრაცია გაიარა 81-მა დეპუტატმა. მათ შორის 3 ვიყავით ჩვენ (პალიკო, გოგი და მე)

ვინც არ იცის, ქვორუმი 76 დეპუტატია.
ანუ ჩვენს გარეშეც (81-3=78) საჭიროზე მეტი რაოდენობა იყვნენ.
გარდა ამისა კენჭისყრაზე არ გამოდიოდა არცერთი პრინციპულად მნიშვნელოვანი კანონი, რომლის გამოც დეპუტატმა შეიძლება ზოგადად პარლამენტის მუშაობის პროცედურულ პარალიზებაზე იფიქრო.

ჰოდა ამ ყველაფრის გათვალისწინებით ახლა ვფიქრობ, ჩიორა თაქთაქიშვილის დღევანდელ "უმწიკვლო" დემაგოგიას ზ.ა. საკითხზე, რამე შეფასება უნდა გავუკეთო?...

ალბათ არა...
დამშვიდდი ჩიორა.
(შენც დამშვიდდი ილო)"- წერს გოგა ხაჩიძე.

შეგახსენებთ, დღეს "ნაციონალური მოძრაობის" წევრმა ჩიორა თაქთაქიშვილმა ყოფილი თანაგუნდელები უმრავლესობისთვის კვორუმის მოგროვებაში დაადანაშაულა და განაცხადა, რომ გოგა ხაჩიძემ,გიორგი მელაძემ და პავლე კუბლაშვილმა, არ გაიზიარეს ოპოზიციის აზრი და რეგისტრაცია გაიარეს, რითაც შესაძლებელი გახადეს, რომ კვორუმი შემდგარიყო და კენჭისყრა შესაძლებელი გამხდარიყო. "ახლა აქვს ვინმეს კითხვები ვის სასარგებლოდ გაიქცა ეს 4 დეპუტატი ნაციონალური მოძრაობიდან?"- განაცხადა ჩიორა თაქთაქიშვილმა.