,,გამოვიდეთ ბუჩქებიდან და შევძახოთ სამარცხვინო ხელისუფლებას - გადაშენდნენ“

,,გამოვიდეთ ბუჩქებიდან და შევძახოთ სამარცხვინო ხელისუფლებას - გადაშენდნენ“ - მალხაზ პატარაია

სოც.მედია - 21:18, 10 Jul, 2015

1645

აზერბაიჯანში გამართულ საფეხბურთო მატჩზე მომხდარ ინციდენს სოციალურ ქსელსი ეხმაურება მოძრაობა ,,დაბრუნები“ ლიდერი მალხაზ პატარაია.

,,გუშინდელი საფეხბურთო ინცინდენტი აზერბაიჯანში ნამდვილად იმსახურებს ყურადღებას, წინდახედულობას და სიფრთხილეს მოითხოვს. ეს რომ გულშემატკივართა სპორტული ჟინიდან და თამაშის სიყვარულით გამოწვეული ზღვარსგადასული ემოციით იყოს ნაბიძგები, საქმე უფრო მარტივად იქნებოდა. ასეთი გულშემატკივრობა ამ გუნდებს არ აქვს და არც შეიძლება ჰქონდეთ, რადგან თანამედროვე საფეხბურთო სტანდარტებით ,,ჭ“ კლასის ბინადარნი არიან და მაქსიმუმ კიდევ ერთი საფეხურით წაიწიონ ამ ევროპულ გათამაშებაში. ისინი კი არა, ოფიციალურ ტურნირებში ამ ქვეყნების ეროვნული ნაკრებები მონაწილეობენ ოლიმპიზმის პრინციპით - მხოლოდ მონაწილეობისათვის. ამიტომ, ასეთი მდარე ფეხბურთისათვის საქომაგოდ არა მგონია, მათ ფანკლუბობაზე და საერთოდ ფანობაზე ვინმემ სერიოზულად ილაპარაკოს.

დღემდე ვერ ვადგენთ რამდენიმე ხნით ადრე თბილისში მომხდარი ანალოგიური ინცინდეტის ქართველი ავტორებს, ვინ არიან და საიდან მოვიდნენ. თუმცა გულშემატკივართა გაერთიანებები თუ ჯგუფები მაინცადამაინც თავს არ მალავენ. პირიქით, მათი დანიშნულება სწორედ თავის გამოჩენა და საყვარელი გუნდის საქომაგოდ სხვების მოწვევაა. თანაც, ჩვენში გულშემატკივრობის კულტურა უკვე გენეტიკურ კოდშია, რაზე და როგორ რეაგირებს გულშემატკივარი თუ გულშესატკივარი, ყველამ კარგად ვუწყით. სტუმრის მიმართ ასეთ გამოხტომებს ჩვენი მაყურებელი ვერ იტანს. არც აზერბაიჯანელი მაყურებლის გამომწვევ თავხედობაზე მსმენია ადრე რაიმე.

ჩემი აზრით, პრიმიტიულად დადგმულ ორმხრივ პოლიტიკურ პროვოკაციასთან გვაქვს საქმე. ეტყობა პუტინი ძველებურად ყოჩაღად ვერ გრძნობს თავს და ვერც მისი ადგილობრივი დამქაშები. ყველაფერი ძალიად ადვილად იკითხება და თუ იკითხება, ადვილადაც მოსავლელია. ჩვენი მთავრობის იმედი ამაში ნამდვილად არ მაქვს, რადგან ვიცი, რომ ისინი სწორედ ასეთ სიგლახეებზე არიან რუსებისაგან მომართული.

საზოგადოებამ თავად უნდა მოახდინოს კონფლიქტის ლოკალიზაცია. მტრის გასახარად მომხდარი არ გავაზვიადოთ. ეს ერთი. ხოლო მეორე და მთავარი, ბოლოს და ბოლოს, გამოვიდეთ ბუჩქებიდან და შევძახოთ ამ სამარცხვინო და უკუღმართ ხელისუფლებას, რაც შეიძლება მალე გადაშენდეს.

ეჭვიც არ მეპარება, სულ მალე ასე იქნება. მაგრამ ვშიშობ, მანამ შეუქცევადად კიდევ რაიმე მნიშვნელოვანი არ გააფუჭონ, როგორც საყდრისი“ - წერს პატარაია.