გორში ენმ-ს ანტიკორუფციული საბჭო ჩავა- ბარნოვი გორში ახალგაზრდების გამოსვლას გამოეხმაურა

პოლიტიკა - 17:09, 10 Jul, 2015

1593

სააკაშვილის საპრეზიდენტო ბიბლიოთეკის გამგეობის თავმჯდომარე ანდრო ბარნოვი, შეჩერებული პროექტების მშენებლობების გაგრძელების მოთხოვნით გორში ახალგაზრდების მიერ გამართულ აქციას გამოეხმაურა. როგორც ბარნოვმა აღნიშნა, ამ ყველაფრის მიზეზი მთავრობის უუნარობაა.
ანდრო ბარნოვის თქმით, ენმ-ს "ანტიკორუფციული საბჭო" მუშაობას მუშაობას გორშიც შეუდგება.

„ნაციონალური მოძრაობა წლებია უკვე ლაპარაკობს რეალობაზე, რომ ქვეყანაში ყველაფერი დაპაუზებული და გაჩერებებულია. მიზეზი კი არის ის ნეპოტიზმი და კორუფცია, რომელმაც ძალიან გაიდგა ფეხი ამ უკანასკნელი ორი-სამი წლის განმავლობაში. ჩვენ ამაზე უკვე დიდი ხანია ვსაუბრობთ. სასიხარულოა, რომ ახლა უკვე ამას სხვებიც ამჩნევენ და სამოქალქო ჯგუფები აქტიურდებიან. ამის მაგალითი დღეს ვნახეთ გორში, სადაც ახალგაზრდები გამოვიდნენ და იმ პროექტების გაგრძელება, დაწყება მოითხოვეს, რომლებიც მათთვის მნიშვნელოვანია. ითხოვენ ამ უნიათო ხელისუფლების მმართველობა დამთავრდეს. ვფიქრობ, რომ არამარტო ჩვენი, როგორც პოლიტიკური პარტიის ნაციონალური მოძრაობის, არამედ მთელი საზოგადოების პასუხისმგებლობაა, რომ მხარში დავუდგეთ ახალგაზრდებს, რადგან ის რაც ქვეყანაში ხდება, მათ წინააღმდეგაა მიმართული. თქვენ იცით, რომ "ნაციონალურ მოძრაობას" გვაქვს ასეთი ფორმატი ანტიკორუფციული კომისიები, რომლითაც რეგიონებში ჩავდივართ და ადგილზე ვამხელთ ჩინოვნიკებს იმ არაკანონიერ ქმედებებში, რომლებსაც ისინი სჩადიან. ასე მოვიქცევით ცხადია ახლაც, მითუმეტეს რომ ამის მოთხოვნა უკვე ადგილზე ჩნდება. ორშაბათს ნაციონალური მოძრაობის წარმომადგენლები ჩავალთ გორში. მოვისმენთ იმ პრეტენზიებს რომელიც ადგილზე აქვთ ახალგაზრდებს და სხვა ჯგუფებს. ასევე, რეგიონის მოსახლეობას გავაცნობთ იმ დამატებით ფაქტებს რომელიც ჩვენ გავქვს დამოუკიდებლად მიღებული ნეპოტიზმის, კორუფციისა და იმ უკანონობის წინააღმდეგ, რასაც სჩადიან ადგილობრივი ხელისუფალნი. ჩვენ დარწმუნებულები ვართ რომ ჩვენს ხალხთან ერთად აუცილებლად მივახწევთ გამარჯვებას და ეს გამარჯვება იქნება არა ვინმეს წინააღმდეგ არამედ იქნება ჩვენი მომავალის სასარგებლოდ“, - განაცხადა ანდრო ბარნოვმა.