"ფეხებზე მკიდია" - პოლიცელის გულგრილობას სუიციდის მცდელობა მოჰყვა

"ფეხებზე მკიდია" - პოლიცელის გულგრილობას სუიციდის მცდელობა მოჰყვა - ზღვის უბის ქუჩაზე ხმაურია

პოლიტიკა - 16:21, 10 Jul, 2015

5476

ზღვის უბნის ქუჩაზე შესახლებულთა გამოსახლების პროცესი მიმდინარეოობს. ამ წუთებში სამართალდამცავები ბინიდან მახათაძეების ოჯახს ასახლებენ. როგორც „ნიუპოსტს“ ოჯახის ადვოკატმა ხატია ხმიადაშვილმა განუცხადა, სამართალდამცავები უკანონოდ მოქმედებენ. მისი ინფორმაციით ოჯახის წევრები ბინაში არ იმყოფებოდნენ, რა დროსაც პოლიციელებმა ბინის კარი შეამტვრიეს. ადვოკატის ინფორმაციით, გამოსახლების პროცესს გლდანი-ნაძალადევის მე-5 განყოფილების უფროსი ზურაბ თალიაშვილი ხელმძღვანელობს.

ოჯახის ადვკატი ასევე აცხადებს, რომ მახათაძეების გამოსახლების საკითხი თბილისის მერიას უნდა განეხილა, აგრეთვე ამ საკითხთან დაკავშირებით მიმართვა გაგზავნილი იყო შინაგან საქმეთა სამინისტროს იურიდიულ სამსახურში, სამართალდამცავები საკითხის განხილვას არ დაელოდნენ და ბინაში ძალის გამოყენებით შევიდნენ.

ოჯახის ადვოკატი პოლიციელების მხრიდან უდიერ მოპყრობაზეც საუბრობს. ხმიადაშვილის თქმით, როდესაც მათ საქმეში გენერალური ინსპექციის ჩართვა მოითხოვეს, პოლიციის უფრომა ზურაბ თალიაშვილმა უპასუხა, რომ მას ეს საკითხი ფეხებზე ჰკიდია.

ადგილზე მობილიზებულია სასწრაფო დახმარების ბრიგადა. ოჯახის ადვოკატის თქმით, სამართალდამცავების ქმედების შემდეგ ოჯახის ერთ-ერთმა წევრმა, 75-ი წლის ქალბატონმა თვითმკვლელობაც სცადა, იგი მე-8 სართულიდან გამოხტომას ცდილობდა, მისი გადარჩენა მეზობლებმა შეძლეს. ადვკატის განცხადებით მახათაძეების ოჯახის წევრებს ბინაში საჭირო მედიკამენტების ასაღებადაც არ უშვებენ.

ზღვის უბნის ქუჩაზე კორპუსებში მოსახლეობა 13 წლის წინ, თვითნებურად შევიდა, 2013 წელს კი ბინები გასხვისდა „მეტრომშენის“ თანამშრომლებზე. ზღვის უბნის მოსახლეობამ მათი მასიური გამოსახლების დაწყების შესახებ ინფორმაცია გუშინ შეიტყო.