,,საიდან დაიწყო პრობლემა? აზერბაიჯანის დროშის ფეხქვეშ გათელვა და მთავრობის ნული რეაქცია“

,,საიდან დაიწყო პრობლემა? აზერბაიჯანის დროშის ფეხქვეშ გათელვა და მთავრობის ნული რეაქცია“ - შარაშენიძე

პოლიტიკა - 14:28, 10 Jul, 2015

2793

ექსპერტი თორნიკე შარაშენიძე "გაბალა"-"დინამოს" თამაშებზე მომხდარ ინციდენტში პრორუსული ძალების კვალს ხედავს.

ამის შესახებ შარაშენიძემ „ნიუპოსტთან“ საუბარში განაცხადა.

მისი თქმით, გასაკვირია რატომ გამოსდით ამ ძალებს ეს პროვოკაცია და რატომ არ აკეთებს არაფერს ხელისუფლება.

„ჩვენი პოლიცია ძალიან ყოჩაღად აღკვეთს ხოლმე უკრაინის დროშას სტადიონზე, მაგრამ არ აღკვეთეს აზერბაიჯანის დროშის ფეხქვეშ გათელვას. ეს სერიოზული პრობლემა გვაქვს. არ აქცევენ ამას ყურადღებას თუ სპეციალურად ხდება ეს ყველაფერი, ამაზე პასუხი არ მაქვს. ფაქტია, რომ შედეგი ძალიან ცუდი მივიღეთ. საიდან დაიწყო პრობლემა? დაიწყო თბილისში, როდესაც აზერბაიჯანის დროშა ფეხქვეშ გათელეს. ამაზე მთავრობის რეაქცია ნული იყო. არ არის გამორიცხული პრორუსული ძალების მიერ ყოფილიყო პროვოცირებული, მაგრამ რატომ გამოსდით მათ ეს ყველაფერი, ეს არის პრობლემა. ამ ყველაფერში დამნაშავეა მთავრობა. გასაგებია, რომ მთავრობა „ნაციონალური მოძრაობას“ აბრალებს, მაგრამ მთავრობას ვუხდით ჩვენ ფულს და არა - ოპოზიციას“, - განაცხადა შარაშენიძემ.

შეგახსენებთ, რომ „გაბალას“ და თბილისის „დინამოს“ შეხვედრისას სტადიონზე აზერბაიჯანის დროშა გამოიფინა, რომლის შემადგენლობაში რუსთავი, ბოლნისი და მარნეული იყო მოქცეული, მოგვიანებით უკვე პლაკატები გამოჩნდა - ქართული ქალაქების აზერბაიჯანული სახელებით. შეხვედრის 78-ე წუთზე, ტრიბუნეზე მყოფმა რამდენიმე ადამიანმა საქართველოს დროშა დაწვა.