"კრემლმა საპარლამენტო არჩევნების წინ მზადება დაიწყო" - ჩიტიძე ბურჯანაძის რუსეთში ვიზიტზე

პოლიტიკა - 14:14, 10 Jul, 2015

2677

ექსპერტი ნიკა ჩიტიძე ნინო ბურჯანაძის მოსკოვში ვიზიტს ეხმაურება და ამბობს, რომ ეს საქართველოში პრორუსული ძალების გააქტიურებას უკავშირდება.

როგორც „ნიუპოსტთან“ საუბარში ჩიტიძემ განმარტა, ნინო ბურჯანაძე ასრულებს კრემლის დაკვეთას, რომლის სურვილია, რომ საპარლამენტო არჩევნებზე გამოცარიელებული ადგილები პრორუსული ძალებით შეივსოს.

„მიკვირს რატომ მიიღო 10% და გავიდა მესამე ადგილზე საპრეზიდენტო ადგილზე. ადამიანი ასრულებს რუსეთის დაკვეთას და ეს არის მისი მორიგი ვიზიტი რუსეთში. რუსეთი ცდილობს ხელი მოითბოს და წააქეზოს პროუსული ძალები საქართველოში. მათ შორის არ არის გამორიცხული, რომ აზერბაიჯანის საქართველოს საფეხბურთო სკანდალი კავშირში იყოს ამასთან. იცით, რომ გარკვეულწილად დაცემულია „ქართული ოცნების“ რეიტინგი, მეორე ადგილზეა პროდასავლური ძალა „ნაციონალური მოძრაობა“, ამიტომ კრემლი ცდილობს გამოცარიებული ადგილი მხარდამჭერების პრორუსული ძალებით შეავსოს, რათა საქართველოში პრორუსული ძალების რეიტინგი გაიზარდოს. კრემლმა დაიწყო მზადება მომავალი საპარლამენტო არჩევნების წინ“, - განაცხადა ჩიტიძემ.

ჩიტიძის თქმით, საპარლამენტო არჩევნების წინ ბურჯანაძე კრემლიდან ფინანსური მხარდაჭერის მოპოვებასაც შეეცდება.

„როდესაც „ქართული ოცნების“ რეიტინგი ეცემა, მოსახლეობის დიდი ნაწილი ნიჰილისტურად არის განწყობილი რომელიმე პოლიტიკური ძალის მიმართ და ამ შემთხვევაში ბურჯანაძე ცდილობს თავისი რეიტინგის ამაღლებას ნიჰილისტების მხრიდან, რომ მათ შემდგომში ხმა მისცენ ბურჯანაძის პარტიას. ის შეეცდება მიოპოვოს ასევე კრემლის მხრიდან ფინანსური მხარდაჭერა, რომ მისი რეიტინგი ამაღლდეს“, - განაცხადა ჩიტიძემ.