,,სააკაშვილი და მისი გუნდი აშშ-ს პროექტის ნაწილია... მეცოდება უკრაინელი ხალხი“

,,სააკაშვილი და მისი გუნდი აშშ-ს პროექტის ნაწილია... მეცოდება უკრაინელი ხალხი“ - ბურჯანაძე

პოლიტიკა - 14:07, 10 Jul, 2015

2225

რუსეთში ვიზიტად მყოფმა ნინო ბურჯანაძემ, НТВ-ს ეთერში მიხეილ სააკაშვილის და მისი უკრაინული კარიერის შესახებ ისაუბრა. მისი თქმით ქართული პოლიტიკის წარუმატებლობები მიხეილ სააკაშვილთან არის დაკავშირებული, ამასთანავე „დემოკრატიული მოძრაობის“ ლიდერის თქმით მასში უკმაყოფილებას იწვევს, ის ფაქტი, რომ სააკაშილი უკრაინის ხელისუფლებამ ოდესის გუბერნატორად დანიშნა.

„მე მეცოდება უკრაინა და უკრიანელი ხალხი, იმიტომ რომ მე ვიცი საკაშვილის და მისი რეფორმების რეალური ფასი. მეორეს მხრივ მე, ისევე როგორც ბევრ ადამიანი საქართველოში, განაწყენებულია უკრაინის ხელისუფლებაზე, რომელმაც ამ დანიშვნით სილა გააწნა საქართველოს ხელისუფლებას და ხალხს. სააკაშვილი ბრალდებულია საქართველოს სახელმწიფოს და ხალხის წინააღმდეგ ჩადენილ კონკრეტულ დანაშაულებში, მისნაირი ადამიანის თანამდებობაზე დანიშვნა, ისეთი სახელმწიფოს მხრიდან, რომელსაც საქართველო მეგობრად თვლის, შეურაცხმყოფელიცაა და აღმაშფოთებელიც.“- განაცხადა ნინო ბურჯანაძემ. ჟურნალისტის კითხვაზე, რას ემსახურება უკრიანის ხელისუფლების ქმედება, ბურჯანაძემ უპასუხა, რომ ეს აშშ-ში არსებული, ერთ-ერთი ჯგუფის პროექტის ნაწილია:

„ძალიან უბრალოდ, ესდანიშვნა იმ პროექტის ნაწილია, რომელიც ახლა უკრაინაში ხორციელდება. აშშ-ში არსებულმა ადამიანთა გარკვეულმა წრემ განახორციელა ეს პროექტი საქართველოში და ახლა ახორციელებს უკრაინაში, სააკაშვილი და მისი გუნდი ამ პროექტების ნაწილია. ამ პროექტის არსი კი არის ის, რომ ნებისმიერი გზით მოხდეს რუსეთის გაღიზიანება და რუსეთის პერიმეტრზე წარმოიქმნას პრობლემური ზონები“- აღნიშნა ბურჯანაძემ.