სპორტის მინისტრი ტარიელ ხეჩიკაშვილი "გაბალა"-"დინამოს" თამაშზე მომხდარ ინციდენტს ეხმაურება და ამბობს, რომ მსგავსი ინციდენტები საქართველოსა და აზერბაიჯანს შორის ურთიერთობას ვერ გააფუჭებს.

მისი თქმით, ინციდენტის უკან პროვოკატორები დგანან.

„მსგავს ინციდენტში მონაწილე პირებს მე გულშემატკივრებს ვერ დავარქევდი, რადგან ასეთი საქმით არიან დაკავებული. ოლიმპიური თამაშების დროს ჩემი თვალით ვნახე, რა პატივისცემით ექცევიან აზერბაიჯანელი გულშემატკივრები საქართველოს. აზერბაიჯანელები და ქართველები ერთმანეთს დიდ პატივს სცემენ. ასეთი ინციდენტები წლობით ჩამოყალიბებულ ამ ურთიერთობას ვერ გააფუჭებს. ცუდია, რომ ასეთი პროვოკატორები ამ ურთიერთობის გაფუჭებას ცდილობენ ", – განაცხადა ხეჩიკაშვილმა.