ქართულ მხარეს არ ყოფნის ვაჟკაცობა, ღიად წავიდეს რუსეთთან მოლაპარაკებაზე

ქართულ მხარეს არ ყოფნის ვაჟკაცობა, ღიად წავიდეს რუსეთთან მოლაპარაკებაზე - ბურჯანაძე

პოლიტიკა - 11:14, 10 Jul, 2015

1594

რუსულ ტელეკომპანია "რასია 24-ის" ეთერში „დემოკრატიული მოძრაობის“ ლიდერმა - ნინო ბურჯანაძემ საქართველ-რუსეთის ურთიერთობებზე, ქვეყნის ევროატლანტიურ არჩევანსა და მიხეილ სააკაშვილის ოდესის გუბერნატორად არჩევის შესახებ ისაუბრა.

ნინო ბურჯანაძის თქმით, რუსეთ-საქართველოს ურთიერთობებში ორივე მხარის მხრიდან სერიოზული შეცდომები იქნა დაშვებული. ბურჯანაძემ პოროშენკოს გადაწყვეტილებას, მიხეილ სააკაშვილის ოდესის გუბერნატორად დანიშვნის თაობაზე მცდარი ნაბიჯი უწოდა.

„ანტირუსული განწყობა რა თქმა უნდა არის საქართველოში, რადგან ამ მიმართულებით ბოლო წლებში სერიოზულად მუშაობდნენ. რუსეთ-საქართველოს ურთიერთობებში ორივე მხრიდან იყო შეცდომები დაშვებული. დრეს რუსეთთან ურთიერთობა უფრო მეტად არის ცივილიზებული, მაგრამ სამწუხაროდ საქართველოს არ ჰყოფნის ვაჟკაცობა ღიად წავიდეს მოლაპარაკებაზე. არასწორია ქართველი პოლიტიკოსების განცხადება, რომ საქართველოს მიზანია ნატოში და ევროკავშირში გაწევრიანება, რადგან ქვეყნის მიზანი სუვერენიტეტის განმტკიცება, დემოკრატიულობა და ტერიტორიული მთლიანობის აღდგენა უნდა იყოს. 2008 წლის შემდეგ საქართველოს ტერიტორიაზე ნატოს ბაზების გაჩენა მიუღებლად მიმაჩნია," - განაცხადა ნინო ბურჯანაძემ.

შეგახსენებთ, რომ ნინო ბურჯანაძე მოსკოვში რუსეთის დუმის სპიკერის მიწვევით იმყოფება, სადაც იგი კონფერენციას თმაზე, - „მსოფლიო და რეგიონალური უსაფრთხოების გამოწვევები“ დაესწრება.