პარლამენტში დღეს ეროვნული ბანკის შესახებ კანონპროექტს მეორე მოსმენით უყრიან კენჭს. მართალია ებანოიძე-მეჭიაურის კანონპროექტში ცვლილებები შევიდა, თუმცა ოპოზიცია მას მხარს კვლავ არ უჭერს.

„ჩვენ მოუწოდებდით უმრავლესობას, რომ გადაედოთ და არ მიეღოთ ეს კანონი, რადგან ეს კანონი ანგრევს საქართველოს საფინანსო სისტემას და სერიოზულ რისკებს უქმნის ეკონომიკას, რომელიც ისედაც კრიზისშია. ოთხმა უმსხვილესმა საფინანსო ორგანიზაციამ გააფრთხილა საქართველო, რომ ეს საფრთხეს შეუქმნიდა ეროვნული ბანკის დამოუკიდებლობას, მაგრამ მათ ეს არ გაითვალისწინეს“, - განაცხადა სერგო რატიანმა.

„ეროვნული ბანკის შესახებ კანონსპროექტში“ შესატანი ცვლილებები ეროვნული ბანკიდან საზედამხედველო ფუნქციის გამოყოფას გულისხმობს.