პარლამენტში დღეს კენჭს უყრიან რეგლამენტის შესახებ კანონში შესატან ცვლილებებს, რომლის თანახმად დეპუტატებს ოჯახური მდგომარეობის მომიზეზებით სხდომების გაცდენა არასაპატიოდ ჩაეთვლებათ.

უმრავლესობის წევრი ზაქარია ქუცნაშვილი უარყოფითად აფასებს ფაქტს, რომ რეგლამენტში ცვლილებები დაგვიანებით შედის.

„პარლამენტის ხელმძღვანელობის ბრალია, რომ სიტუაცია აქამდე მივიდა, რომ რეგლამენტში ცვლილებები ასე დაგვიანებით ტარდება. პარლამენტის წევრების თვითშეგნებაზე და ეთიკურ სტანდარტებზე არ უნდა იყოს დამოკიდებული ამომრჩევლის მიერ გადახდილი ფულის დახარჯვა, მაშინ ხელფასებზე თქვან უარი და იმ პრივილეგიებზე, რასაც პარლამენტის წევრობა აძლევთ მათ,"-განაცხცადა ზაქარია ქუცნაშვილმა.