უმრავლესობის წევრი ზურაბ ტყემალაძე მიხეილ მაჭავარიანის განცხადებას არასწორს უწოდებს და ამბობს, დღეს ეკონომიკა კარგი მიმართულებით მიდის.

ამის შესახებ ტყემალაძემ დღევანდელ სესიაზე განაცხადა.

"უნიათო ვინ იყო და ვინ არის ისტორია შეაფასებს. უნიათო კი არა ეკონომიკა ძალიან კარგი მიმართულებით მიდის. რას ქვია 10 და 20%-იანი ზრდები წლის განმავლობაში არც მიუღწევია და არც უნდა მიაღწიოს. ის თუ როდესმე არსებობდა სადღაც, ის სხვა იყო და ის ბოდიში და რაღაც წუმპიდან ამოყვანის პროცესი იყო. იმ წუმპეში ვინ შეიყვანა ქვეყანა ისიც ვილაპარაკოთ თუ გინდათ,"- განაცხადა ზურაბ ტყემალაძემ.

„ნაციონალური მოძრაობის“ წევრის მიხეილ მაჭავარიანის თქმით, უმრავლესობას სურს „თავისი უნიათო პოლიტიკა სხვას დააბრალოს“.