ომი და რეფორმები - ბრძოლა ტერიტორიული მთლიანობისა და სუვერენიტეტისთვის; ბრძოლა კორუფციისა და ბიუროკრატიის წინააღმდეგ, სადაც საკმაოდ მაღალია საბჭოური მენტალიტეტის გავლენა. კრიმინალი და ოლიგარქიული მმართვის სისტემა. ეს უკრაინის რეალობაა. უკრაინელი ხალხი კი ცვლილებების მოლოდინშია. რეგიონის გეოპოლიტიკური მომავალი პირდაპირ კავშირშია უკრაინის გამარჯვებასთან.

დღეს ცივილიზებული მსფოლიოს ყურადღება სწორედ უკრაინისკენაა მიმართული. დასავლეთი ჩართულია უკრაინის სახელმწიფოს რეფორმირების პროცესში, რომელმაც უნდა შეძლოს საბჭოური მენტალიტეტისგან თავის დაღწევა და დემოკრატიული ინსტიტუტების განმტკიცება. ამ პროცესის აქტიური თანამონაწილეები არიან ქართველები.

დღეს რუსეთის მარცხი უკრაინაში იქნება გადამწყვეტი ფაქტორი საქართველოსთვისაც. ქართველების ინტერესი და ბრძოლა უკრაინისთვის არის ლოგიკური, რადგან საქართველოსა და უკრაინის გეოპოლიტიკური ინტერესები მყარად არის გადაჯაჭვული და ემსახურება ერთ მიზანს - დისტანცირება რუსეთისგან, დასავლური ღირებულებების განმტკიცება და ევროატლანტიკური ინტეგრაცია.

,,ნიუპოსტის“ სპეციალური ჯგუფი რამდენიმე დღით ესტუმრა უკრაინას. ჩვენ შევეცადეთ უფრო მეტი გაგვეგო ადგილობრივი მოსახლეობისა და ომის ხაზზე მყოფი ადამიანებისგან. ჩვენ ვესაუბრეთ საქართველოს წინა ხელისუფლების ყოფილ მაღალჩინოსნებს, რომლებმაც უკრაინაში, სხვადასხვა სფეროში გასატარებელ რეფორმების პროცესზე აიღეს თავისი წილი პასუხისმგებლობა და დიდწილად ავანგარდშიც არიან. ერთ-ერთი მნიშვნელოვანი სწორედ ოდესის ოლქია, რომლის გუბერნატორიც მიხეილ სააკაშილია. სწორედ ამ ოლქში მდებარეობს შავიზღვისპირეთის ერთ-ერთი ყველაზე სტრატეგიული მნიშნელობის პორტი.

,,ნიუპოსტის“ სპეციალური ჯგუფის უკრაინულ ვიზიტს დაემთხვა პატრულის პირველი სამუშაო დღე კიევში, რომელიც შინაგან საქმეთა სამინისტროს რეფორმის ერთ-ერთი მნიშვნლეოვანი დეტალია.

,,ნიუპოსტი“ პერიოდულად შემოგთავაზებთ ყველა მასალას - ექსკლუზიურ ინტერვიუებს და ადგილობრივი მოსახლეობის გამოკითხვას, რომელიც უკრაინაში მიმდინარე პროცესებს უკავშირდება.

იხილეთ გაგრძელება: ექსკლუზიური ინტერვიუ უკრაინის ანტიკორუფციული ბიუროს ხელმძღვანელის მოადგილესთან გიზო უგლავასთან.

იხილეთ გაგრძელება: ექსკლუზიური ინტერვიუ უკრაინის იუსტიციის მინისტრის მოადგილესთან, გია გეწაძესთან