პარლამენტში დღეს ეროვნული ბანკის შესახებ კანონპროექტს მეორე მოსმენით უყრიან კენჭს. მართალია ებანოიძე-მეჭიაურის კანონპროექტში ცვლილებები შევიდა, თუმცა ოპოზიცია მას მხარს კვლავ არ უჭერს.

„ბევრი ცვლილებაა კანონპროექტში. თუ იქნება განსხვავებული მოსაზრება ყველა წინადადებას მივიღებთ და ვეცდებით კანონპროექტი სრულყოფილებისკენ წავიდეს“, - აცხადებს ნოდარ ებანოიძე.

ასევე ცნობილია, რომ ეროვნული ბანკიდან ზედამხედველობის სამსახურის გამოყოფას მხარს არ უჭერს არც პრეზიდენტი. არ არის გამორიცხული მისი დამტკიცების შემთხვევაში გიორგი მარგველაშვილმა კანონპროექტს ვეტო დაადოს.