შესაძლოა ნარკოტიკის მომხმარებელი და რეალიზატორი კანონით ერთმანეთისგან გაიმიჯნოს და სასჯელიც დიფერენცირებული გახდეს.

სისხლის სამართლის კოდექსში შესატან ცვლილებებზე დღეს პარლამენტში იმსჯელებენ.

დეპუტატების უმეტესობა ცვლილებას დადებითად აფასებს და ამბობს, რომ მომხმარებელი და რეალიზატორი ერთ ჭრილში არ უნდა განიხილებოდეს.

„ცვლილება იყო ლოგიკური და აქამდეც უნდა განხორციელებულიყო, უბრალოდ უნდა განხორციელებულიყო ნარკოპოლიტიკის ჭრილში. ეს გადაწყვეტილება მიღებულია და 260-ე მუხლის ახალი რედაქცია გამიჯნავს ნარკოტიკის მოხმარებას და გასაღებას“, - განაცხადა უმრავლესობის დეპუტატმა გედევან ფოფხაძემ.

რიგგარეშე სხდომაზე კანონმდებლები შინაგან საქმეთა სამინისტროს რეფორმირებისა და მაღალმთიანი რეგიონების განვითარების შესახებ კანონპროექტებზეც იმსჯელებენ.