„სახელმიწფო ხარჯების შემცირება, საწარმოების გაყიდვა და ეკონომიკის დერეგულაცია, - ეს იმ მოთხოვნების არასრული ჩამონათვალია, რომელსაც ე.წ. სამეული საბერძნეთის მთავრობისგან ითხოვდა, სანაცვლოდ კი ქვეყანას ფულადი დახმარების აღმოჩენას სთავაზობდა“, - ამის შესახებ გადაცემა „არჩევანის“ ეთერში სტუმრობისას საბერძნეთში საქართველოს ელჩის ყოფილმა მრჩეველმა, გიორგი ჯაფარიძემ განაცხადა.

მისი თქმით, საბერძნეთის მოქმედმა ხელისუფლებამ შეთავაზებაზე უარი თქვა.

"სამეული ითხოვს სახელმიწო ხარჯების შემცირებას. ამაში იგულისხმება გაბერილი ბიუროკრატია, ხელფასების და პენსიების გაყინვა. მეორე, პრივატიზაციის პროცესის განახლება, რომელიც თავის მხრივ სახელმწიფო საწარმოების გაყიდვას გულისხმობს. ამ საწარმოების დიდი ნაწილი კი ზარალზე მუშაობს. სამეული ასევე ითხოვს ეკონომიკის დერეგულაციას. ასევე პრობლემატური საკითხი არის 350-ზე მეტი დახურული პროფესია. თუ თქვენ გინდათ ტაქსისტი იყოთ, უნდა იყიდოთ ამისთვის ლიცენზია, რომელიც 100 000 ევრო ღირს," - განაცხადა გიორგი ჯაფარიძემ.