სპორტისა და ახალგაზრდობის საქმეთა მინისტრის თქმით, უეფას სუპერთასის ფინალისთვის სპორტული არენა და ინფრასტრუქტურა სრულ მზადყოფნაშია.

ამის შესახებ ხეჩიკაშვილმა სამთავრობო კომისიის შეხვედრის შემდეგ განაცხადა.

რაც შეეხება ბილეთებს, მისი თქმით, მაქსიმალურად მიმდინარეობს მუშაობა, რომ ბილეთები გადამყიდველების ხელში არ მოხვდეს.

„ვალდებულება რაც სახელმწიფომ იკისრა შესრულებულია და ამაში გულშემატკივრები მალე დარწმუნდებიან. ყველაზე დიდი პრობლემა გულშემატკივრებისთვის არის ბილეთები. ის პრობლემები, რაც წარმოიშვა, ცუდია და აუცილებელია, რომ ეს ერთობლივად გადაწყდეს. უახლოეს პერიოდში უეფას სუპერთასისთვის მოსამზადებელი სამთავრობო კომისია კიდევ ერთ შეხვედრას გამართავს“, - ამბობს ხეჩიკაშვილი.