ხელისუფლება მოგებული საქმის აღსრულებას ვერ ახერხებს

ხელისუფლება მოგებული საქმის აღსრულებას ვერ ახერხებს - ბურჯალიანი

პოლიტიკა - 17:28, 07 Jul, 2015

1209

რუსეთის იუსტიციის სამინისტროს განცხადებას იმასთან დაკავშირებით, რომ 2006 წელს ქართველების მასობრივი დეპორტაციის საქმეზე კომპენსაციის მოთხოვნით საქართველოს რუსეთისთვის არ მიუმართავს, საქართველოს იუსტიციის მინისტრის ყოფილი მოადგილე თეა ბურჯალიანი გამოეხმაურა. ბურჯალიანის თქმით, წინა ხელისუფლებამ აღნიშნული საქმე მოიგო, მოქმედი ხელისუფლება კი აღსრულებას ვერ ახერხებს:

"წინა ხელისუფლებამ რუსეთის წინააღმდეგ ეს საქმე მოიგო ეს ხელისუფლება კი მოგებული საქმის აღსრულებას ვერ ახერხებს. ეს კი ძალიან სამწუხაროა. რუსეთისგან თანხის მიღებაზე ან მექანიზმე თანხმობის მიღება შეუძლებელი იყო 12 თვის წინაც და დღესაც. ჩემთვის სამწუხაროა ის, რომ პირდაპირი კომუნიკაციის მცდელობა საქართველოდან არ იყო. იუსტიციის სამინისტრო დაელოდა 12 თვის ამოწურვას. ამის საჭიროება არ არსებობდა. დიპლომატიური ურთიერთობების არ ქონა არ ნიშნავს იმას, რომ მხარეებს შორის კომუნიკაცია შეუძლებელია. ოფიციალური შუამავალი ქვეყნებს შორის არის შვეიცარიის საელჩო. ამ ხელისუფლებიდან იმაზე ლაპარაკი, რომ დიპლომატიური ურთიერთობები არ გვაქვს და ვერ დაველაპარაკეთო წარმოუდგენელია, ისინი ყველაფერზე ელეპარაკებიან რაზეც უნდათ" - განაცხადა თეა ბურჯალიანმა.