„რეფორამტორების“ ლიდერის, ირაკლი ღლონტის ინფორმაციით, კახი კალაძის სახელით გურიაში გარკვეულ ოჯახებთან სახლებში მიდიან და დავალებებს აძლევენ.

გურიაში მიმდინარე პოლიტიკურ პროცესებზე, საკარდო პოლიტიკასა და მოსახლეობისადმი ხელისუფლების წარმომადგენლების დამოკიდებულებაზე ღლონტმა გადაცემა 'გურიის მოამბის" ვებგვერდის გადაცემა "ექსკლუზივში" ისაუბრა.

"მინდა ვთქვა სრული პასუხისმგებლობით, რომ გურია, წლების განმავლობაში იყო და არის უპასუხისმგებლო, დილეტანტი და კორუფციული კლანების წარმომადგენლების ხელში, არავითარი სიყვარული და პატივისცემა გურულების მიმართ არ გამოხატულა და არ გამოიხატება. ხელისუფლება აცხადებს, რომ კადრების შერჩევა ხდება ისე, რომ ისინი იყვნენ მოსახლეობაზე და მათ ინტერესებზე მორგებული... მე მახსენდება კადრები, რომლებიც გურული ფირალებივით იარაღით დარბოდნენ, ეს არ არის კადრების შერჩევა, ძალიან მწყდება ამაზე გული და როცა დავბრუნდები თბილისში, ვიცეპრემიერს, შევხვდები და დაველაპარაკები, რომ მისი სახელით აქ ზოგიერთი გვარის წარმომადგენლები გადაწყვეტილებებს იღებენ. ვიღაცეებს სახლში აკითხავენ და რაღაცეებს ავალებენ, მე არ მინდა ხელი დავადო კონკრეტულ პირებს, მაგრამ ამაზე მძაფრი რეაქცია გვექნება, არ შემიძლია არ აღვნიშნო ის ახალგაზრდა ბიჭი, ჭანუყვაძე, მოძრავი ბიჭია, დაკავებულია, ხან რას აკეთებს და ხან რას, მივესალმები ჯეროვან საჯარო მოხელეებს“ - აცხადებს ღლონტი.