ლანჩხუთის გამგეობაში ფინანსური პოლიციის საგამოძიებო სამსახური შევიდა

პოლიტიკა - 15:31, 07 Jul, 2015

1208

ლანჩხუთის მუნიციპალიტეტის ადმინისტრაციულ შენობის პირველ სართულზე უკვე მეხუთე დღეა ფინანსური პოლიციის საგამოძიებო სამსახურის წარმომადგენელი იმყოფება.

ამის შესახებ ,,ნიუპოსტის“ რეგიონალურ ჟურნალისტს გამგეობაში განუცხადეს.

მართალია, საჯარო მოხელეები ვინაობის გამხელისაგან თავს იკავებენ, თუმცა პირად საუბარში ადასტურებენ, რომ ეს სიმართლეა. გამგეობის პირველ სართულზე მდებარე კაბინეტი, რომელიც ცოტა ხნის წინ ზედახედეველობის სამსახურის წარმომადგენელს, თენგო ხელაძეს ებარა და ფინანსური პოლიციის საგამოძიებო სამსახურის წარმომადგენელს აქვს დაკავებული, "ნიუპოსტის" ჟურნალისტს დაკეტილი დახვდა.

შეკითხვაზე, თუ ვის უკავია ამჟამად აღნიშნუილი კაბინეტი, ხელაძეს პასუხი არ აქვს, - "ვინ ზის ჩემს კაბინეტში არ ვიცი, მე მეხუთე დღეა კოლეგებთან ერთად სხვა კაბინეტში გადავედი".

საკრებულოს დეპუტატების აზრით, ადგილი აქვს კანონდარღვევას, რასაც აუცილებლად გააპროტესტებენ - ,,ეს ხომ არაფრით არ შეიძლება ფაქტობრივად მოსმენები იწყება“ ამბობენ ისინი.

"ნიუპოსტის" ინფორმაციით, ფინანსური პოლიციის საგამოძიებო სამსახურის სპეციალური წარმომადგენელი ლანჩხუთში მიმდინარე პროექტებს სწავლობს. თუმცა ამ ინფორმაციას კატეგორიულად უარყოფს გამგეობის აპარატის ხელძღვანელი მაგული კუნჭულია და ამბობს, რომ მსგავსი არაფერი ხდება. ის გავრცელებულ ინფორმაციას საფუძველსმოკლებულს უწოდებს.

სანდო წყარო კი აცხადებს, რომ ეს პიროვნება კაბინეტში უკვე დღეებია მუშაობს: ,,ვინ არის ვერ გეტყვით, ვხედავთ იშვიათად, მაგრამ მაინც მოდის აქ. ის ვიცით, რომ მან მოითხოვა ერთი ოთახი და გამოუყვეს გამგეობის პირველ სართულზე. აქ თითქმის ყველამ იცის რომ ხუთი დღეა, რაც შევიდა ოთახში და მუშაობს. იქ რა ხდება არავინ იცის. რადგან კარების იხურება და არავინ უწყის შიგნით რა ხდება“ - ამბობს ინკოგნიტო რესპონდენტი.

თეა იოსელიანი - გურია