"მოგესალმებით ჩვენო პრეზიდენტო!" - რა წერილი მიიღო სააკაშვილმა ბათუმიდან

პოლიტიკა - 15:22, 07 Jul, 2015

5746

საქართველოს მე-3 პრეზიდენტი და უკრაინის ოდესის ოლქის გუბერნატორი მიხეილ სააკაშვილი, სოციალურ ქსელში ბათუმის ერთ-ერთი რესტორნის მფლობელის მიერ მისთვის მიწერილ წერილს აქვეყნებს. წერილის ავტორი სააკაშვილს იმ პრობლემებზე ესაუბრება, რაც მის რესტორანს ბოლო პერიოდში შეექმნა. მიხეილ სააკაშვილის თქმით, ის რესტორნის მფლობელის მიერ მიწერილმა წერილმა დაადარდიანა:

"ვწუხვარ ჩემი საყვარელი უკრაინული რესტორნის გამო ბათუმში - ის ერთ-ერთია იმ ათიათასობით დაწესებულებას შორის, რომლებიც ჩემი მმართველობის დროს საქართველოში გაიხსნა და რომლებმაც უამრავ სასტუმროსთან ერთად 4.5 მილიონიან საქართველოში თითქმის 6 მილიონი ტურისტი მოიზიდა. ახლა კი ამ რესტორნის მფლობელის წერილმა დამდარდიანა"- წერს მიხეილ სააკაშვილი და მისთვის მიწერილი წერილის ტექსტს აქვეყნებს:

„მოგესალმებით ჩვენო პრეზიდენტო! გთხოვთ! აუცილებელია შემდეგი არჩევნების მოგება, წინააღმდეგ შემთხვევაში ჩვენ აყვავებული ქვეყნიდან ბოსლად გადავიქცევით. მე ტატიანა ვარ ბათუმიდან, რესტორან „უკრაინოჩკადან“. მუშაობა გახდა შეუძლებელი! ყველას ყველაფრის ნება აქვს! ვიძახებთ დაცვას და ის ჩვენს თვალწინ კოცნის იმას, ვინც ცოტა ხნის წინ მთელ რესტორანს ატერორებდა! არ ვამბობ რომ სულ ასეა, მაგრამ ხდება ხოლმე. მთავარი ეს არაა, არამედ ის, რომ ყველას ყველაფრის ჩადენა შეუძლია! ადრე ადამიანებს ეშინოდათ სასჯელის. ალბათ ასეც იყო სწორი, თუმცა ამ ადამიანების ოჯახენს ეს სისასტიკედ მიაჩნდათ... თქვენ დროს ბატონო მიხეილ საერთოდ არ ვსარგებლობდი დაცვის სამსახურით! და ტბა... ის უკვე დიდი ხანია ჭაობია... ქუჩაში მაგიდებსაც კი აღარ ვდგამთ! მადლობა, რომ ჩვენთან იყავით, ვიმედოვნებ კიდევ იქნებით! ჩვენ ყველას გვიყვარხართ და გელოდებით! ძალიან გელოდებით! ეს არი გულიდან ნათქვამი სიტყვები!... კიდევ კარგი გუშინ დაცვის კარგი ჯგუფი იყო მოსული, თორემ „უკრაინოჩკა“ განადგურდებოდა! ასე ცხოვრება არ შეიძლება! გისურვებთ ჯანმრთელობას და წარმატებებს!“- ნათქვამია სააკაშვილისთვის მიწერილ წერილში.