ქვემო ქართლის ყოფილი რწმუნებული ლევან მამალაძე პრეზიდენტ გიორგი მარგველაშვილთან სატელეფონო საუბარს იხსენებს.

როგორც გადაცემა „იმედის კვირაში“ მამალაძემ განაცხადა, მან სთხოვა გიორგი მარგველაშვილს, რომ პოლიტპატიმრის სტატუსი მიენიჭა ადამიანებისთვის, ვინც უკანონოდ მოიხადეს სასჯელი.

„არაფერია დასამალი, მარგველაშვილი ივანიშვილმა დანიშნა, ეს ფაქტია. იმედი მქონდა, რომ ის ზეგავლენისგან გათავისუფლდებოდა. დავურეკე მარგველაშვილს და მან ოფიციალური პოზიციები დაიჭირა. ვუთხარი, რომ ადამიანებს მოუხსნას მიყენებული მუხლები რომელიც სააკაშვილმა შეთითხნა. მან შეწყალების კომისია ახსენა. ვუთხარი რომ კომისია არაფერი შუაში იყო. მე მაინც გადაწყვეტილებას ვღებულობ იმ ხალხზე ვინც ციხეში ზისო. ეს საუბარი მას შემდეგ შედგა, რაც ჩემმა ჩემმა მხარდამჭერებმა მის რეზიდენციასთან აქცია გამართეს. მარგველაშვილისგან ფილოსოფიური პასუხები მივიღე. ეს უფრო იმას გავდა, რომ ის სამეგობროს გავლენის ქვეშ მოექცა. იცით, ვინც არის მისი სამეგობრო - სააკაშვილის „ბრაშკა“, - განაცხადა მამალაძემ.