„სახლში მოხვალ და მილიონს არ მოიტან, ან შენ დაგახრჩობ ან ნათელაშვილს“ - ამ შინაარსის იუმორისტული წერილი „იმედის კვირის“ წამყვანმა შალვა რამიშვილმა მეუღლისგან მას შემდეგ მიიღო, რაც „ლეიბორისტული პარტიის“ ლიდერის განცხადება მოისმინა.

შალვა ნათელაშვილის ინფორმაციით, ბიძინა ივანიშვილმა რამიშვილს მილიონიბით თანხა გადაურიცხა.

„სხვათაშორის შენი ანგარიშებიც „ქართუ ბანკშია გახსნილი. ბანკმა გამოიყენა ივანიშვილის პოლიტიკური ძალაუფლება. ხელფასების გაცემა მუშაკებზე „ქართ ბანიდან“ ხდება. პატრულსაც ეს ბანკი ემსახურება. რაც მსხვილი მომსახურებაა ყველაფერი „ქართუ ბანკმა“ ჩაიგდო ხელში. თქვენ ადვოკატი ხართ ბიძინასი და ამაზე ნუღარ ვიდავებთ. ადვოკატმა თავისი ფუნქცია უნდა შეასრულოს, სხვანაირად იმ ანგარიშებს გაგიუქმებენ და შენ ცოდვაში ჩავდგები. გახსოვს, გავრცელდა ინფორმაცია, რომ ივანიშვილი მიდის საქართველოდანო, მიირბინე „ქართუ ბანკში“ საკუთარი ანგარიშის გადასამოწმებლად. ვიცი, ივანიშვილმა თქვენ მილიონობით თანხა გადმოგირიცხათ“, - მიმართა ნათელაშვილმა რამიშვილს.