ირინა სარიშვილი სოციალურ ქსელში ეროვნული გამოცდიდან დაბრუნებული მისი შვილის მონაყოლზს წერს.

„ჩემი შუათანა დაბრუნდა გამოცდიდან. კმაყოფილი ვარო, მითხრა და გამიხარდა. მაგრამ მერე ისეთი რამე მითხრა, გული გამიჩერდა.

როცა სიას კითხულობდნენ აბიტურიენტების, ერთი ბავშვი აკლდა. ელოდნენ კარგა ხანს... მერე გვარი გამოაცხადეს, ვინც აგვიანებდა –

ბეგი მამალაძე.

არავის ახსოვდა და ჩემ შვილს უთქვამს, ბეგი ვერ მოვა, მოკლესო...

ერთი თვეც არაა გასული თურმე.

არც ჩემი შვილი იცნობდა, უბრალოდ იცოდა და თქვა.

ძალიან ცუდად გავხდი.

ეხლაც ცუდად ვარ.

არ ვიცი, რატომ ვწერ ეხლა ამაზე, იმიტომ რომ თქვენ გაგინაწილოთ რასაც ვგრძნობ და ცოტათი მომეშვას თუ იმიტომ, რომ ყოველთვის გვახსოვდეს:

როცა ჩვენ გვიხარია, სადღაც უბედურებაა.

და პირიქით.

მაპატიეთ“, - წერს სარიშვილი.