X ფაქტორის „ფეისბუქ“ გვერდზე იუმორისტული პოსტი გავრცელდა, სახელწოდებით - „როგორები იქნებოდნენ ჩვენი მენტორები "ერთიან ეროვნულ გამოცდებზე".

„გიორგი - პრეტენზიული. აპროტესტებს ყველაფერს: შეკითხვა არაკორექტულადაა დასმული, კონდიციონერი ზედმეტად უბერავს, ხოლო დამკვირვებელი ზედმეტად მკაცრად უყურებს. ყველაფერთან დაკავშირებით შენიშვნა აქვს და ყოველ სამ წუთში ერთხელ რაღაცას ითხოვს.

სოფო - მომზადებული აქვს ყველაფერი. მთელი მასალა კარგად აქვს ნასწავლი და მზადაა ყველაფერში მაქსიმალური ქულა მიიღოს.

ანრი - ძალიან უნდოდა კარგად მომზადება, მაგრამ მეგობრებთან გართობა უფრო მოსწონდა, ამიტომ ახლა ცდილობს სოფოსგან გადაიწეროს სწორი პასუხები.

თამთა - გამოცდაზე ლამაზად ჩაცმული მოვიდა. მასალაც კარგად იცის, თუმცა, რაც ვერ დაიმახსოვრა, "შპარგალკებში" ჩაიწერა და მოკლე კაბის ქვეშ მალავს.

გაგვიზიარეთ თქვენი ვერსიები, როგორ მოიქცეოდნენ ჩვენი მენტორები გამოცდაზე?“, - ნათქვამია გავრცელებულ ტექსტში.