"კახას შვილად ჩემი აღიარების წინააღმდეგ იბრძვიან" - ბენდუქიძის შვილის წინააღმდეგ სარჩელი შეიტანეს

სოც.მედია - 15:36, 03 Jul, 2015

13057

კახა ბენდუქიძის შვილი ანასტასია გონჩაროვა სოციალურ ქსელში წერს, რომ მის წინააღმდეგ კახა ბენდუქიძის დამ და მეუღლემ სასამართლოში სარჩელი შეიტანეს. როგორც ანასტასია გონჩაროვა წერს, კახა ბენდუქიძის ოჯახის წევრებს, მისი შვილად აღიარება არ სურთ.

"უკანასკნელი 8 თვე განსაკუთრებით მძიმე იყო ჩემთვის - არა მარტო იმიტომ რომ მე დავკარგე მამა/დამრიგებელი/ საუკეთესო მეგობარი, არამედ იმიტომაც, რომ მამაჩემის ერთადერთი და - ნუნუ და მამაჩემის მეუღლე - ნატალია, კახას შვილად ჩემი აღიარების წინააღმდეგ იბრძვიან.

თავდაპირველად ნატალიამ მამაჩემის დნმ-ის ნიმუშები გაანადგურა და ამაში ნუნუმ სრულად დაუჭირა მხარი. შემდეგ ნუნუ ცდილობდა, რომ მე შემეწყვიტა ინტერვიუების მიცემა და სახალხოდ იმის აღიარება, რომ კახა მამაჩემია.

ახლა კი ვგებულობ, რომ ნუნუ (მამაჩემის ერთადერთი ღვიძლი და) სასამართლოში ჩემს წინააღმდეგ ნატალიას მოწმეა.

ყოველდღე მე ვიხსენებ ფოტოს, რომელიც მამაჩემმა პროკურატურაში დაკითხვაზე მისვლის წინ გამომიგზავნა წარწერით „ ნასტია, იბრძოლე ჩემთვის“. მე მახსოვს ეს სურათი და ჩემს თავს ვახსენებ, რომ უნდა ვიყო ძლიერი, როგორც მან მასწავლა და უსამართლობის წინააღმდეგ ვიბრძოლო.

წარმატებები მისურვეთ, მესამე სასამართლო მოსმენისთვის. იმედია, ისინი ვერ შეძლებენ საქმის გაჭიანურებას და გადადებას კიდევ ერთხელ“ - წერს ანასტასია გონჩაროვა.