"თავისუფალი დემოკრატები" თავდაცვის მინისტრს პასუხობენ

პოლიტიკა - 09:56, 03 Jul, 2015

1076

თინა ხიდაშელის განცხადებას იმასთან დაკავშირებით, რომ ის პარლამენტში მაშინ მივა , როცა ამის შესახებ არა ვირტუალურად, არამედ რეალურდ შეატყობინებენ, "თავისუფალი დემოკრატები" გამოეხმაურნენ.

"თავისუფალი დემოკრატების" თქმით მათ მინისტრი არა ვირტუალურად, არამედ ოფიციალურად დაიბარეს და შესაბამისი მოთხოვნით პარლამენტის თავმჯდომარეს, დავით უსუფაშვილს მიმართეს.

ზურაბ აბაშიძის თქმით, აუცილებელია, რომ ნდობის ჯგუფის ფორმატში ფრანგულ მხარესთან გაფორმებულ ხელშეკრულებასთან დაკავშირებით ყველა კითხვას გაეცეს პასუხი.

„ეს საკითხი იწელება და ჩვენი მიზანია, რომ გავერკვეთ რამდენად განხორციელდა ის რაც უნდა განხორციელებულიყო. რაც უფრო ხშირად ვსაუბრობთ ამ თემაზე, მით უფრო ჩნდება ეჭვი, რომ ის რაც დაიწყო ირაკლი ალასანიას დროს არ არის განხორციელებული,“-განაცხადა ზურაბ აბაშიძემ.

შეგახსენებთ, თინა ხიდაშელმა პარლამენტში მის დაბარებასთან დაკავშირებით გააკეთა კომენტარი და განაცხდა, რომ იგი მზად არის დაესწროს ნდობის ჯგუფის შეხვედრას, მაშ შემდეგ, რაც ამის შესახებ არა ვირტუალურად, არამედ რეალურად შეატყობინებენ. "გამაგებინონ როდის არის, რომელ საათზე, სად - თბილისში, თუ ქუთაისში და მერე მოაწყონ ისტერიკა იმაზე, რომ თურმე სადღაცას დაბარებული ვყავარ, თუ უარს ვიტყვი იქ მისვლაზე."- განაცხადა ხიდაშელმა.