უმრავლესობის წევრი ეკა ბესელია მიიჩნევს, რომ საფრანგეთთან გაფორმებულ ხელშეკრულებასთან დაკავშირებით სპეკულაციები უნდა შეწყდეს.

მისი თქმით, ხელშეკრულებაზე ხელმოწერით დაიმსხვრა ის მითი, რასაც ირაკლი ალასანია ქმნიდა.

„ამ ხელშეკრულებასთან დაკავშირებით პოლიტიკური დემაგოგია უნდა შეწყდეს. ხემოწერით, დასრულდა კიდევ ერთი ძალიან უნიჭოდ შექმნილი ლეგენდა, რომ თითქოს ეს ხელშეკრულება იყო რაიმე ტიპის მიზეზი კონკრეტული პოლიტიკური ძალის მიმართ განხორციელებული ქმედების, ვგულისხმობ ალასანიას განცხადებებს. ამ ხელშეკრულებამ ეს მითიც დაამსხვრია“, - განაცხადა ბესელიამ.