ამერიკის მხარდაჭერა არის ფასდაუდებელი- პრემიერი აშშ-ს დმაოუკიდებლობის დღეს ულოცავს

პოლიტიკა - 20:37, 02 Jul, 2015

1182

ამერიკის შეერთებული შტატების დამოუკიდებლობის დღისადმი მიძღვნილი ღონისძებაზე პრემიერ-მინისტრმა ირაკლი ღარიბაშვილმა ამერიკელ ხალხს და განსაკუთრებით საქართველოში ამერიკის შეერთებული შტატების ელჩს, რიჩარდ ნორლანდს დამოუკიდებლობის დღე მიულოცა.

პრემიერის თქმით, ამერიკა არის საქართველოს მთავარი სტრატეგიული პარტნიორი, მეგობარი სახელმწიფო, რომელსაც ძალიან ბევრი რამ აქვს გაკეთებული:

„"ჩვენი ქვეყნის დემოკრატიზაციის გზაზე ამერიკის მხარდაჭერა არის მართლაც ფასდაუდებელი. მე მინდა კიდევ ერთხელ ჩვენი ხალხის სახელით მადლობა გადავუხადო ამერიკას, ამერიკის მთავრობებს, რომლებმაც ბოლო 25 წლის განმავლობაში უდიდესი დახმარება გაუწიეს ქართველ ხალხს და საქართველოს და ეს დახმარება გრძელდება. მე მართლაც ვარ ამაყი, რომ ვართ მომსწრენი ამ უპრეცედენტო მხარდაჭერის ამერიკის მიერ ჩვენი ქვეყნისა და ხალხისადმი. მინდა ყველა ამერიკელს მივულოცო დღევანდელი დღე, ხოლო მინდა განსაკუთრებით მივულოცო ეს დღე ელჩ რიჩარდ ნორლანდს, რომელიც არის მართლაც გამორჩეული ელჩი, რომელიც მე ოდესმე მინახავს და რომელთანაც მიმუშავია. მინდა აღვნიშნო მისი და მისი ოჯახის განსაკუთრებული დამოკიდებულება, განსაკუთრებული სამართლიანი ობიექტური დამოკიდებულება ჩვენი ქვეყნისა და ხალხისადმი", - განაცხადა ირაკლი ღარიბაშვილმა.
ირაკლი ღარიბაშილმა რიჩარდ ნორლანდის მოღვაწეობის ვადის ამოწურვის გამო სინანული გამოთქვა და ელჩს, წარმატებები უსურვა. "მაგრამ მე მინდა აღვნიშნო კიდევ ერთხელ, რომ ჩვენ ყოველთვის გვემახსოვრება და მადლიერებით აღვნიშნავთ მის მიერ გაწეულ სამსახურს ჩვენი ქვეყნისა და ხალხისადმი, მინდა მას და მის ოჯახს ვუსურვო წარმატებები. აქვე მინდა დავძინო, რომ ჩვენ მოუთმენლად ველით ახალი ელჩის ჩამობრძანებას საქართველოში. დარწმუნებული ვარ ისეთივე ნაყოფიერი იქნება ჩვენი თანამშრომლობა მასთან, როგორც იყო რიჩარდ ნორლანდის შემთხვევაში", - განაცხადა პრემიერმა.