თავდაცვის მინისტრი მის დაბარებასთან დაკავშირებით საპარლამენტო ოპოზიციის მოთხოვნას ვირტუალურს უწოდებს.

თინა ხიდაშელის თქმით, არ აპირებს დეპუტატების მიერ ატეხილ ისტერიკაში მონაწილეობა მიიღოს.

„ამ ჭორაობაში ჩართვას, რომელიც მხოლოდ არაკეთილგანწყობილი სახელმწიფოს ინტერესებს ემსახურება, არ ვაპირებ. არც ეს ისტერია მესმის, რომელიც ატეხილია, რომ პარლამენტში მიბარებენ. არ მესმის ვირტუალური დაბარება. ნდობის ჯგუფის სხდომა გამაგებინონ როდის არის, რომელ საათზე, სად - თბილისში, თუ ქუთაისში და მერე მოაწყონ ისტერიკა იმაზე, რომ თურმე სადღაცას დაბარებული ვყავარ, თუ უარს ვიტყვი იქ მისვლაზე. გავიგე, რომ ადამიანებს მოთხოვნილება აქვთ ისტერიკაში იყონ, მაგრამ ამ ისტერიკის მონაწილე ვერ გავხდები“, - განაცხადა ხიდაშელმა.

საპარლამენტო ოპოზიცია ხიდაშელს საფრანგეთში გაფომებულ ხელშეკრულებასთან დაკავშირებით პარლამენტში იბარებს.