თბილისის მერს უკვირს, რატომ ატყდა აჟიოტაჟი დოკუმენტზე, რომლითაც სტიქიის შედეგად დაზარალებულთათვის დახმარების წესის განისაზღვრება.

დავით ნარმანიას თქმით, დოკუმენტი ოპონენტენს არც უნახავთ, ისე გამოთქვეს პრეტენზიები.

როგორც თბილისის მერმა განაცხადა, დოკუმენტი არის მზად და მასში მცირე კორექტივების შეტანა მიმდინარეობს.

„გაუგებარია, რატომ ატყდა წინასწარ აჟიოტაჟი იმ დოკუმენტზე, რომელიც ჩვენს ოპონენტებს ჯერ არ უნახავთ. დოკუმენტი დახვეწის პროცესშია. გადავაგზავნით დოკუმენტს საკრებულოში და ნებისმიერ მათგანს ექნება ცივილური ფორმით მოსაზრების გამოთქმის უფლება. დაზარალებულები კატეგორიების მიხედვით დაიყოფიან, პირველ კატეგორიაში შედიან ის ოჯახები, რომელთა სახლები დანგრეულია და აღდგენას არ ექვემდებარება, მეორე კატეგორიაში ის ოჯახები, რომელთა სახლებიც კოსმეტიკურ რემონტს საჭიროებს“, - ამბობს ნარმანია.