საგარეო საქმეთა მინისტრის თამარ ბერუჩაშვილის თქმით, თურქმენეთის პრეზიდენტის ვიზიტს საქართველოში განსაკუთრებული დატვირთვა აქვს.

ამის შესახებ ბერუჩაშვილმა თბილისის საერთაშორისო აეროპორტში განაცხადა.

"დაიწყო თურქმენეთის პრეზიდენტის ვიზიტი, რომელსაც განსაკუთრებული დატვირთვა აქვს ჩვენ ქვეყნებს შორის ორმხივი ურთიერთობის განვითარების კუთხით. ეს არის განსაკუთრებული დატვირთვის მქონე შეხვედრა, რომლის ძირითადი ფოკუსი იქნება ურთიერთობების გაღრმავება და განვითარება ყველა მიმართულებით“, - განაცხადა ბერუჩაშვილმა.

თურქმენეთის პრეზიდენტი საქართველოშია. გურბანგული ბერდიმუჰამედოვი თბილისში რამდენიმე წუთის წინ ჩამოფრინდა. მას საგარეო საქმეთა და ეკონმიკის მინისტრები დახვდნენ.

ბერდიმუჰამედოვს ავლაბრის რეზიდენციაში გიორგი მარგველაშვილი უმასპინძლებს, სადაც ოფიციალური ცერემონია გაიმართება. ამის შემდეგ კი მოხდება ჯერ პირისპირე შეხვედრა, შემდეგ კი შეხვედრა გაფართოებულ ფორმატში. დღესვე იგეგმება ერთობლივ დოკუმენტებზე ხელმოწერა.