"კარზე კაკუნია, ვაღებ კარებს. ელეგანტურად ჩაცმული ქალი"

"კარზე კაკუნია, ვაღებ კარებს. ელეგანტურად ჩაცმული ქალი" - არქიმანდრიტის "უცნაური" სტუმარი

სოც.მედია - 09:51, 02 Jul, 2015

9034

არქიმანდრიტი ანთიმოზ ბიჩინაშვილი „უცნაურის“ სტუმრის შესახებ სოციალურ ქსელში წერს.

„უცნაური სტუმარი

კარზე კაკუნია, ზარი არა მაქვს. ვაღებ კარებს. ელეგანტურად ჩაცმული, მაღალი, ლამაზი მანდილოსანი-ბალზაკის ქალის ასაკის, არავის ჰგავს, კარზე რომ მოგადგებიან.

-გისმენთ-გაოცებული ვამბობ.

-მამა ანთიმოზი ბრძანდებით?

-დიახ,

-შეიძლება შემოვიდე?

-მობრძანდით,- გაოცებას დაბნევაც ემატება. მოუწესრიგებელი ვარ.

ჯდება სავარძელში და ჩანთას იხსნის. ლამაზი ჩანთაა. ფეხსაცმელს შევავლე თვალი. მაღალქუსლიანი, უხდება. გემოვნება აქვს.

-ჩაი, ყავა?

-ყავა ნალექიანი.- სამზარეულოში თუ რამე ვიცი ყავის მოდუღება))) სადღაც შოკოლადიც მაქვს.

ნელ-ნელა აზრზე მოვდივარ, მოუწესრიგლობა მაინც მაწუხებს. ხომ არ ვეტყვი მოვწესრიგდები და მოვალ-მეთქი)))

-მე თქვენი ფეისის მეგობარი ვარ, სხვა სახელით, ხშირად ვკითხულობ თქვენს სტატუსებს, უცნაური და კარგი ადამიანი ხართ და ძალიან მომწონხართ.

-მადლობა-მეტი ვერაფერი მოვიფიქრე.

-ვიცი, რომ მუხლი გტკივათ და ცოტა თანხა მოგიტანეთ-ჩანთა გახსნა, კონვერტი ამოიღო და მაგიდაზე დადო.-უკაცრავად, უნდა წავიდე,-ყავა მოსვა და ადგა.