რუსეთის მიზანი საქართველოს მიმართ პოლიტიკური შანტაჟის განხორციელებაა

რუსეთის მიზანი საქართველოს მიმართ პოლიტიკური შანტაჟის განხორციელებაა - ნიკა ჩიტაძე

პოლიტიკა - 18:24, 01 Jul, 2015

1975

ექსპერტ ნიკა ჩიტაძის მოსაზრებით, რუსეთის მხრიდან საქართველოსთან ექსტრადაციის შესახებ შეთანხმების გაუქმება პოლიტიკური შანტაჟის ხასიათს ატარებს. როგორც ჩიტიძემ „ნიუპოსტთან“ საუბარში განაცხადა ამ თემის წამოწევას შესაძლოა ორი მიზეზი ქონდეს, ერთი მხრივ ეს არის იმ ადამიანების რუსეთის ციხეებში დატოვება, რომლებიც რუსეთის ხელისუფლების აზრით, საქართველოს სასარგებლოდ რუსეთის ტერიტორიაზე ჯაშუშურ საქმიანობას ეწეოდნენ, ხოლო მეორეს მხრივ რუსეთი საკუთარ ციხეებში დატოვებს ოკუპირებული ტერიტორიის მიმდებარედ გატაცებულ საქართველოს მოქალაქეებსაც.

„რუსეთის მიზანი არის განახორციელოს პოლიტიკური შანტაჟი საქართველოს მიმართ, ერთის მხრივ ეს შეიძლება ეხებოდეს იმ ადამიანებს, რომლებიც რუსეთის მოსაზრებით საქართველოს სასარგებლოდ რუსეთის ტერიტორიაზ ჯაშუშურ საქმიანობას ეწეოდნენ, მეორე მხრივ ეს შეიძლება შეეხოს ოკუპირებული ტერიტორიდან გატაცებულ მოქალაქეებს, რომელთა განთავსება ცხინვალის იზოლატორში ხდება, რუსეთი მათ თავის ციხეებში გადაიყვანს, შემდეგ კი განაცხადებს, რომ მას არანაირი სამართლებრივ ბერკეტი არ გააჩნია ამ ადამიანების საქართველოსთვის გადასაცემად“ - აცხადებს ექსპერტი.

ნიკა ჩიტიძე საქართველოს მხრიდან საპასუხო ნაბიჯებზეც საუბრობს და აღნიშნავს, რომ ამ საკითხის წინ წამოწევა აბაშიძე კარასინის ფორმატის ფარგლებში უნდა მოხდეს. ამასთანავე ჩიტიძის აზრით ამ შეთანხმების გაუქმების საპასუხო ნაბიჯად საქართველომაც უნდა მოიხსნას საქართველოს ციხეებში მყოფი რუსეთის მოქალაქეების ექსტრადაციის პასუხისმგებლობა.

„ეს საკითხი აბაშიძე-კარასინის ფორმატში უნდა განიხილებოდეს და არა ჟენევის ფორმატში. შესაძლებელია, რომ საქართველოს ხელისუფლებამაც განაცხადოს, რომ საქართველოც მოიხსნის პასუხისმგებლობას გადასცეს რუსეთს საქართველოს ციხეში მყოფი რუსეთის მოქალაქეები“- განაცხადა ჩიტიძემ.