პარლამენტმა კორექტირებული ბიუჯეტი უნდა განიხილოს

პარლამენტმა კორექტირებული ბიუჯეტი უნდა განიხილოს - შედგება თუ არა ქვორუმი?!

პოლიტიკა - 14:35, 01 Jul, 2015

927

ერთი საათის წინ პარლამენტში რიგგარეშე სხდომა უნდა დაწყებულიყო, მაგრამ კანონმდებლებს საკითხების განხილვა ჯერ არ დაუწყიათ. დღის წესრიგის მიხედვით პარლამენტში 2015 წლის კორექტირებული ბიუჯეტი უნდა განიხილონ.

გავრცელებული ინფორმაციით სხდომის დაწყების დაგვიანების მიზეზი დეპუტატების არასაკმარისი რაოდენობა გახდა. დღევანდელ სხდომას საპარლამენტო უმცირესობის წარმომადგენლები არ დაესწრებიან, უმრავლესობა კი ქვორუმისთვის საჭირო დეპუტატების რაოდენობის მოგროვებას ცდილობს.

საფინანსო-საბიუჯეტო კომიტეტის თავმჯდომარის, თემაზ მეჭიაურის თქმით, ბიუჯეტის კორექტირება არ შეეხება სოცილაურ პროექტებს.

"საშემოსავლო ნაწილი იზრდება 25 მილიონით, ხარჯვითი ნაწილი კი უცვლელი რჩება. საგადასახადო შემოსავლები შემცირდა 200 მილიონით, რაც გამოწვეულია ეკონომიკური მაჩვენებლის 2 % მდე შემცირბით,“-განაცხადა თამაზ მეჭიაურმა

საფინანსო-საბიუჯეტო კომიტეტის თავმჯდომარის მოადგილის განმარტებით, სამინისტროები ხარჯებს საკუთარი რეზერვების დაზოგვის ხარჯზე შეამცირებენ.

„დაახლოებით 70 მილიონზე მეტი არის თვითონ სამინისტროებში ხარჯების შემცირება, ასევე ერთი ამდენია გარე პროექტებით დაფინანსებული პროგრამები. საერთო ჯამში შს სამინისტროს დაახლოებით 10 მილიონი ლარით შეუმცირდება ბიუჯეტი, ხოლო თავდაცვის სამინისტროს დაახლოერბით 5-6 მილიონის ფარგლებში. ეს ხდება ძირითადად რეზერვების ხარჯზე“ - განაცხადა ნოდარ ებანოიძემ.