ციფრულ მაუწყებლობაზე გადასვლას გამოკითხულთა 49% მოუმზადებელი ხვდება

პოლიტიკა - 13:08, 01 Jul, 2015

1542

ციფრულ მაუწყებლობაზე გადასვლას გამოკითხულთა 49% მოუმზადებელი ხვდება. ამის შესახებ „საერთაშორისო გამჭირვალობის“ მიერ ჩატარებულ კვლევაშია ნათქვამი.

მათივე ინფორმაციით, ცვლილებების შესახებ 90% ინფორმირებულია, ხოლო 8%-მა ცვლილების შესახებ არ იცოდა. 2%-მა გამოკითხვაში მონაწილეობა არ მიიღო.

რაც შეეხება იმას, თუ როგორ აპირებს მოსახლეობა ციფრულ მაუწყებლობაზე გადასვლას, 16% აცხადებს, რომ მათ აქვთ ტელევიზორი, რომელსაც აქვს შესაბამისი მხარდაჭერა და არაფრის გაკეთება არ სჭირდებათ. 21% სარგებლობს საკაბელო, ინტერნეტ ან სატელიტური ტელეიზიით ამიტომ მათთვის ცვლილების შემდეგ არაფრის გაკეთება არ გახდა საჭირო.

7% სეთბოქსების შეძენას აპირებს, ამდენივე კი სოციალურად დაუცველია და მათ სეთბოქსები უფასოდ გადაეცემათ. 2% ტელევიზორს შეიძენს, რომელსაც შესაბამისი მხარდაჭერა ექნება.

დღეიდან საქართველო ციფრულ მაუწყებლობაზე გადადის. საქართველოს კომუნიკაციების ეროვნული კომისიის ინფორმაციით, დღეს 10:00 საათზე დედაქალაქის სამაუწყებლო ზონაში ანალოგური (დღეს მოქმედი) მაუწყებლობა გაითიშება. დედაქალაქის სამაუწყებლო ზონაში შედის - თბილისი, საგარეჯოს რაიონი, კოჯორი, რუსთავი და მარნეული.