,,ერთსქესიანთა ქორწინება და უვიზოდ დარჩენილი მედეა“

,,ერთსქესიანთა ქორწინება და უვიზოდ დარჩენილი მედეა“ - გაშარჟებული რეალობა

სოც.მედია - 19:07, 30 Jun, 2015

1966

სხარტი იუმორით გამორჩეული სულა სულაშვილი სოციალურ ქსელში ქართულ რეალობას საოცარი ოსტატობით აშარჟებს და „გაიძულებს“ ტკივილის ნაცვლად სახეზე ღიმილგადაფენილმა ჩაიკითხო „ფეისბუქზე“ განთავსებული მისი სტატუსები.

1) ერთსქესიანთა ქორწინება და უვიზოდ დარჩენილი მედეა:
ქალბატონმა მედეამ (მედიკო) სამი დღის წინ ამერიკა მიწაში ჩადო და გამოიტირა ერთსქესიანთა ქორწინების გამო.
დღეს კი, როგორც მისმა ახლობელმა შემატყობინა უკვე მესამედ გამოიძახეს სასწრაფო გულყრის გამო.
მიზეზი: ვიზა არ ჩაურტყა კონსულმა.

2) აშმალახა:

რამდენიმე დღის წინ ჩემი უახლოესი მეგობარის ოჯახი მოვიკითხე.
- თამრი რას შვრებით?
- ვართ რაა... თავად?
- ჩვენც ძველებურად. თემო საით არის? (მეუღლეზე ვეკითხები)
- ეე არ გასმესი ხმაა? დადის და იძახის აშმალახა, აშმალხას.
- რატომ?
- დედაჩემია ჩამოსული და...
- ეგ რა შუაშია?
- ლომია ზოდიაქოთი.

3) გულწრფელი მოკითხვა:

- ბატონო ნუგზარ, როგორ ხართ, როგორ გიკითხოთ?
- აი ისე, თქვენ რომ გაგიხარდებათ ქალბატონო თინა.
- უი ჯვარი გეწეროთ, ჯერ ახალგაზრდა ხართ მაინც...

პ.ს. ასეთი გულწრფელი მოკითხვა ჩემს ცხოვრებაში არ მახსოვს.