"იმედი გვაქვს, გარკვეულ შედეგებს მივიღებთ"- ვიაჩესლავ ჩირიკბა ჟენევის მოლაპარაკებების შესახებ

პოლიტიკა - 12:56, 30 Jun, 2015

1279

ოკუპირებული აფხაზეთის დე ფაქტო საგარეო საქმეთა მინიტრმა ვიაჩესლავ ჩირიკბამ ჟენევის საერთაშორისო დისკუსიების 32-ე რაუნდის დაწყებამდე ჟურნალისტებთან კომენტარი დისკუსიების შესაძლო შედეგებზე და იმ საკითხებზე გააკეთა, რომლის განხილვაც მოლაპარაკებების ფარგლებში იგეგმება. აფხაზეთის დე ფაქტო საგარეო უწყების ხელმძღვანელის თქმით, მას იმედი აქვს რომ 32-ე რაუნდი უფრო კონსტრუქციული და შედეგიანი იქნება.

„კონსტრუქციულად ვართ განწყობილი ამ მოლაპარკებების მიმართ და იმედი გვაქვს, რომ ქართულ მხარესაც ასეთივე განწყობა აქვს. განსხვავებით წინ რაუნდისა, რომელიც იმედგაცრუებით დასრულდა, იმედი გვაქვს, რომ ამჯერად გარკვეულ შედეგებს მივიღებთ,“ - განაცხადა ოკუპირებული აფხაზეთის დეფაქტო საგარეო საქმეთა მინისტრმა ვიაჩესლავ ჩირიკბამ.

მან ისაუბრა რკინიგზის საკითხზე, და აღნიშნა, რომ ჯერჯერობით მოლაპარაკებები არ ყოფილა რკინიგზასთან დაკავშირებით, თუმცა ოკუპირებული აფხაზეთი მზად არის განიხილოს ეს თემა.

„ჩვენ ამ პროექტის წინააღმდეგი არ ვართ, ამ საკითხით არავის მოუმართავს, თუმცა მზად ვართ მის განსახილველად,“ - განაცხადა ვიაჩესლავ ჩირიკბამ.