გავრცელებულ ინფორმაციას იმასთან დაკავშირებით, რომ აბაშიძე-კარასინის ფორმატის პარალელურად, შესაძლოა რკინიგზის საკითხი ჟენევაშიც იქნას განხილული. საქართველოს საგარეო საქმეთა მინისტრის მოადგილე დავით დონდუა გამოეხმაურა. დონდუას განცხადებით, აღნიშნული საკითხი დღის წესრიგში არ დგას:

"რკინიგზის საკითხი არ არის ჟენევის მოლაპარაკებების თემა, ეს არ არის უსაფრთხოების, არც ჰუმანიტარული საკითხი, ეკონომიკური საკითხებისთვის არსებობს სპეციალური ფორმატი. არ არის დღის წესრიგის საკითხი და არც გვაქვს ამის სურვილი," - განაცხადა დავით დონდუამ.

შეგახსენებთ, რომ დღეს შვეიცარიაში, ჟენევის დისკუსიების რიგით 32-ე რაუნდი იწყება.