"მოპირდაპირე სახლში ჯუმბერი და ემზარი კოცნაობენ... ქართველობას გვართმევენ, ხალხოო "...

სოც.მედია - 10:49, 30 Jun, 2015

6301

ფსიქოლოგი ნათია ფანჯიკიძე ფეისბუკში ფსიქოლოგიური სავარჯიშოს შესახებ წერს, რომელიც ადამიანს რამდენიმე საქმის კეთების დროს პრიორიტეტების დალაგებაში ეხმარება. ნათია ფანჯიკიძის მიერ წარმოდგენილ ვარიანტში ფსიქოლოგიურ სავარჯიშო ქართული რეალობაზეა მორგებული და შეფარვით პრიორიტეტების დალაგებას მთავრობასაც ასწავლის.
"არის ასეთი ფსიქოლოგიური სავარჯიშო, ერთდროულად ბევრი რამის გაკეთება რომ გიწევს, როგორ ახერხებ პრიორიტეტიზაციას, რომ გადარჩე და არც ქაოსმა დაგღალოს. აი, წარმოიდგინეთ, დაგეტბორათ სახლი, იხრჩობა თქვენი საყვარელი ძაღლი, თაროდან გადმოცვივდა მნიშვნელოვანი წიგნები და ფუჭდება, ცეცხლი გაუჩნდა ღუმელში შედგმულ ნამცხვარს, ცეცხლი უახლოვდება საფულეს, რომელშიც უკანასკნელი კაპიკები გიდევთ, საძინებელში ტირის შეშინებული ბავშვი.... უცებ ხედავთ მოპირდაპირე სახლში ჯუმბერი და ემზარი კოცნაობენ. რას გააკეთებთ პირველს?"- წერს ნათია ფანჯიკიძე.

საინტერესო კითხვას მრავალფეროვანი პასუხები მოჰყვა:
"დავუძახებ რომ მომეხმარონ და ყველა გადავარჩინო..."
"ბავშვი, ძაღლი და საფულე :დ ჯუმბერი და ემზარი არც მშვიდობის დროს მაინტერესებს :დ მერე წიგნებია და ბოლოს ნამცხვარი.."
"ვინაიდან და რადგანაც მე ვარ ქართველი, ვუყურებ ჯუმბერს და ემზარს! დანარჩენს ღმერთი გადამირჩენს!.."
"ძაღლიდან ვიწყებ და ბოლოს მივხედავ ჯუმბერის თუ ჩემი ქმარია ისიც იმ შემთხვევაში..."
"ვიდეოს გადავუღებდი და თუ ცოცხალი გადავრჩებოდი, ავტვირთავდი შემდეგი კომენტარით, ქართველობას გვართმევენ, ხალხოო "...