ბიუჯეტის კორექტირებულ ვარიანტთან დაკავშირებით სახელმწიფო აუდიტი დასკვნას მოამზადებს.

გენერალური აუდიტორის ლაშა თორდიას თქმით, აუდიტის მიერ მომზადებული დასკვნა პარლამენტს წარედგინება და შეფასებული იქნება, თუ რამდენად არის შესაბამისობაში ბიუჯეტის კორექტირებული ვარიანტი მოქმედ კანონმდებლობასთან.

„კანონმდებლობის მიხედვით, როდესაც პარლამენტში შედის ბიუჯეტის კორექტირებული ვარიანტი, სახელმწიფო აუდიტის სამსახურმა უნდა შეისწავლოს კანონპროექტის შესაბამისობა მოქმედ კანონმდებლობასთან და წარუდგინოს პარლამენტს შესაბამისი დასკვნა. ჩვენ გვაქვს ორკვირიანი ვადა, რომ შევისწავლოთ რამდენად მოდის შესაბამისობაში ბიუჯეტის კორექტირებული ვარიანტით განსაზღვრული პარამეტრები მოქმედ კანონმდებლობასთან და რამდენად დაცულია ფისკალური პარამეტრები, რომლებიც სხვადასხვა კანონმდებლობითაა გათვალისწინებული. დაწყებულია დოკუმენტის შესწავლა და კანონითრ დადგენილ ვადაში ჩვენ მას წარვუდგენთ პირველ რიგში საფინასო-საბიუჯეტო კომიტეტს შემდეგ კი პარლამენტს",-განაცხადა ლაშა თორდიამ.