უმრავლესობის წევრის ზურაბ ტყემალაძის ინფორმაციით, პრეზიდენტი ათონელის რეზიდენციაში გადასვლაზე ფიქრობს.

ამის შესახებ ტყემალაძემ ჟურნალისტებთან საუბრისას განაცხადა.

„მე როგორც ვიცი პრეზიდენტი ფიქრობს, რომ ათონელზე გადავიდეს და მოიძებნოს სწორი მიმართულება, რაც განთავსდება სასახლეში. ეს იქნება სწორი გადაწყვეტილება მისი მხრიდან“, - განაცხადა ტყემალაძემ.

საქართველოს პრემიერ-მინიტრმა გაზეთ „ასავალ-დასავალთან“ ინტერვიუში პრეზიდენტის რეზიდენციის შესახებ ისაუბრა, მისი თქმით კარგი იქნება, საზოგადოებამ პრეზიდენტისგან მოისმინოს განმარტება, რისთვის დაიხარჯა, 28 მილიონი ახალი რეზიდენციის ასაშენებლად, თუ ის ავლაბრის რეზიდენციის დატოვებას არ აპირებდა:

„ჩვენ სახელმწიფოს არა აქვს ფუფუნების რესურსი, თავს ფუფუნებაში ცხოვრების უფლებას ვერ მივცემთ“, - განაცხადა პრემიერმა.