იუსტიციის მინისტრის თქმით, კანონში გარკვევით წერია, რომ ოჯახი არის ქალისა და მამაკაცის ერთობა და თუ პრემიერი აღნიშნულის კონსტიტუციაში ჩაწერას მოითხოვს, ის წინააღმდეგი არ იქნება.

ამის შესახებ თეა წულუკიანმა ერთსქესიანთა ქორწინებასთან დაკავშიებით, ირაკლი ღარიბაშვილის მიერ გაკეთებული განცხადების საპასუხოდ განაცხადა.

„როგორც ჩანს ერთსქესიანთა ქორწინებაზე აშშ-ში კონსესუსი არსებობდა, მიიღეს ის გადაწყვეტილება, რომელიც მიიღეს და ეს მისაღებია იმ საზოგადოებისთვის. ვიდრე საქართველოში ეს კონსესუსი არ არსებობს, ვერც ერთი ხელისუფლება, მათ შორის ჩვენი, ვერ გადადგამს რაიმე ტიპის ნაბიჯს, რომ შეცვალოს ეს კანონი. დღეს რაც არის კანონი, რომ ქალი და მამაკაცი ქმნის ოჯახს, ასეთადვე დარჩება ის საქართველოში, რადგან საქართველოს საზოგადოება სწორედ ასეთად მოიაზრებს ოჯახს ჩვენს ქვეყანაში. კანონმდებლობაში შავით თეთრზე წერია, რომ საქართველოში ოჯახი არის ქალისა და მამაკაცის ერთობა, თუკი პრემიერის სურვილია, რომ ეს საკონსტიტუციო რანგში ავიდეს, მე წინააღმდეგი არ ვიქნები" - განაცხადა თეა წულუკიანმა.