კონსტიტუციაში ვერ გაკეთდება ჩანაწერი, რომელიც ადამიანის უფლებებს შეზღუდავს- ნაცვლიშვილი

პოლიტიკა - 14:21, 29 Jun, 2015

1242

ოჯახის ინსტიტუტის შესხებ, პრემიერ-მინისტრის განცხადებას არასამთავრობო ორგანიზაციია „ახალგაზრდა იურისტთა ასოციაციის“ თავმჯდომარე ანა ნაცვლიშვილი გამოეხმაურა.

ნაცვლიშვილის თქმით, კონსტიტუციაში ვერ გაკეთდება ჩანაწერი, რომელიც შეზღუდავს ადამიანის უფლებას თანასწორობასა და ქორწინებაზე.

"საიას" ხელმძღვანელი მიიჩნევს, რომ სახელმწიფოს პოლიტიკამ და კანონმა არ შეიძლება რომელიმე მოქალაქეს აფიქრებინოს, რომ იგი არის მეორეხარისხოვანი.

„როდესაც ორ ადამიანს უნდა იყოს ერთად და ამას ერქვას ქორწინება, ამასთან სახელმწიფოს არაფერი ესაქმება. კერძო პირებს და ეკლესიას შეიძლება ჰქონდეთ განსხვავებული მოსაზრება, ეს მათი არჩევანია. სახელმწიფო და კანონი ვალდებულია, რომ უზრუნველყოს ყელა ადამიანის თანასწორობა. სახელმწიფოს პოლიტიკა თუ კანონმდებლობა არ შეიძლება იყოს ისეთი, რომელიც რაიმე ნიშნით ვინმეს აფიქრებინებს, რომ ის არის მეორეხარსიხოვანი ადამიანი და მოქალაქე.

კონსტიტუციაში, რომელიც აღიარებს ადამიანთა თანასწორობას ვერ გაკეთდება ვერანაირი ჩანაწერი, რომელიც შეზღუდავს ადამიანის ფუნდამენტალურ უფლებას თანასწორობაზე და ქორწინებაზე,“-განაცხადა ანა ნაცვლიშილმა.

შეგახსენებთ, რომ ირაკლი ღარიბაშვილმა გაზეთ ასავალ დასავალთან ინტერვიუში ერთსქესიანთა ქორწინებასზე ისაუბრა. ღარიბაშვილის თქმით, იგი ყველაფერს გააკეთებს, რათა კონსტიტუციაში გაკეთდეს ჩანაწერი, რომ ქორწინება და ოჯახი არის ქალისა და მამაკაცის ერთობა.