ექსპერტი ემზარ ჯგერენაია მიიჩნევს, რომ ეროვნული ბანკიდან საზედამხედველო ფუნქციის გამოყოფა საერთაშორისო საფინანსო ორგანიზაციებთან ურთიერთობას დაძაბავს.

მისი თქმით, აღნიშნულ საკითხზე საერთაშორისო ორგანიზაციების რეკომენდაციები გათვალისწინებული უნდა ყოფილიყო.

„როდესაც საერთაშორისო ორგანიზაცია რეკომენდაციას გაძლევს და შენ ამას არ ითვალისწინებ, ეს რა თქმა უნა ურთიერთობებს დაძაბავს. დღეს ჩვენ გვჭირდება ძალიან მჭიდრო ურთიერთობა ყველა საერთაშორისო ორგანიზაციებთან და მათ შორის დონორებთან, რომ მივიღოთ მათგან კრედიტი, გრანტები და ხელი შეუწყოთ ეკონომიკის განვითარებას“, - აცხადებს ემზარ ჯგერენაია.

პარლამენტმა „ეროვნული ბანკის შესახებ“ კანონპროექტს პირველი მოსმენით მხარი დაუჭირა. საუბარია საბანკო ზედამხედველობის სააგენტოს შემოღებაზე, რომელსაც შვიდ კაციანი საბჭო ეყოლება.

ცნობილია, რომ „ნაციონალური მოძრაობისა“ და „თავისუფალი დემოკრატების“ წარმომადგენლები არსებულ ვერსიას მხარს არ უჭერენ და ამბობენ, რომ კანონპროექტი ანტიკონსტიტუციურია. მათი თქმით, კანონპროექტი ასოცირების დღის წესრიგს ეწინააღმდეგება. კანონპროექტთან დაკავშირებით საერთაშორისო საფინანსო ორგანიზაციებიდან კრიტიკული წერილი მიიღო პრემიერმა.