მურმან დუმბაძემ კანონპროექტს მხარი არ დაუჭირა, მეჭიაური რეკომენდაციის საფუძველს ვერ ხედავს

პოლიტიკა - 15:17, 27 Jun, 2015

671

„ეროვნული ბანკის შესახებ“ კანონპროექტის წინააღმდეგ ხმა მისცა მურმან დუმბაძემ. მმართელმა გუნდმა ცვლილებას ერთხმად დაუჭირა მხარი. ის თუ რატომ არ მოხდა ოთხი საერთაშორისო საფინანსო ორგანიზაციის რეკომენდაციის გათვალისწინება, ამასთან დაკავშირებით , მმართველ გუნდში ამბობენ, რომ აღნიშნული ცვლილება მნიშვნელოვნად აამაღლებს მონიტორინგის სამსახურის მუშაობის ხარისხს.

,,ვერ ვხედავ რეკომენდაციის საფუძველს. საქართველოში სხვანაირი კლიმატია და ამიტომ არ იმუშავებს ასეთი მოდელი? ეს მიზნად ისახავს, რომ საქართველოში აღარ იყოს საფრტხე იმისა, რომ ეროვნული ბანკი შეიძლება გამოყენებული იყოს პოლიტიკური მიზნებით და ეროვნული ბაკი იყოს დამოუკიდებელი“ - განაცხადა ჟურნალისტებთან კანონპროექტის ერთ-ერთმა ავტორმა თამაზ მეჭიაურმა.

,,როცა კანონპროექტი კანონად იქნება და ამოქმედდება, ვნახავთ რომ საფინანსო ორგანიზაციების შფოთვები იქნება საფუძველს მოკლებული“ - აღნიშნა პარლამენტის საფინანსო-საბიუჯეტო კომიტეტის თავმჯდომარემ ნოდარ ებანოიძემ.

რაც შეეხება მურმან დუმბაძეს, ის ფიქრობს,

,,მე არ დავუჭირე მხარი საფინანსო ზედამხედველობის შექმნას ეროვნულ ბანკში, რადგან ამით ეროვნული ბანკი უფრო მიუახლოვდა სახელმწიფოს, მე ვფიქრობ, რომ ეროვნული ბანკი ბანკი სახელმწიფოს უფრო უნდა მოშორდეს. სახელმწიფოს ამოცანა უნდა იყოს მეტი სსიპს სექმნა, რადგან მას უფრო რთული ამოცანა აქვს გადასაწყვეტი, ვიდრე ეს არის რაიმე კერძო ინტერესი“ - განაცხადა მურმან დუმბაძემ.

78 დეპუტატი ერთის წინააღმდეგ - პარლამენტმა „ეროვნული ბანკის შესახებ“ კანონპროექტს პირველი მოსმენით მხარი დაუჭირა. კენჭისყრას საპარლამენტო ოპოზიცია არ დაესწრო.

საუბარია საბანკო ზედამხედველობის სააგენტოს შემოღებაზე, რომელსაც შვიდ კაციანი საბჭო ეყოლება.

ცნობილია , რომ „ნაციონალური მოძრაობისა“ და „თავისუფალი დემოკრატების“ წარმომადგენლები არსებულ ვერსიას მხარს არ უჭერენ და ამბობენ, რომ კანონპროექტი ანტიკონსტიტუციურია. მათი თქმით, კანონპროექტი ასოცირების დღის წესრიგს ეწინააღმდეგება. კანონპროექტთან დაკავშირებით საერთაშორისო საფინანსო ორგანიზაციებიდან კრიტიკული წერილი მიიღო პრემიერმა.

პრეზიდენტი კანონზე ვეტოს დადებას აპირებს. მმართველი გუნდი კი ვეტოს დაძლევისთვის მზადყოფნას აცხადებს.