,,ასეთი თანხის მოძიება თუ შეგვიძლია თბილისი ავაშენოთ და არა ვერეს მანჰეტენი ...“

,,ასეთი თანხის მოძიება თუ შეგვიძლია თბილისი ავაშენოთ და არა ვერეს მანჰეტენი ...“ - სალომე ზურაბიშვილი

სოც.მედია - 13:07, 27 Jun, 2015

2326

,,წმინდა წყლის პროვოკაცია“ - ასე აფასებს საგარეო საქმეთა ყოფილი მინისტრი სალომე ზურაბიშვილი რამდენიმე დღის წინ წარმოდგენილ ბიზენს პროექტს სახელწოდებით ,,მანჰეტენი“, რომელიც ვერეს ხეობაში ახალი ინფრასტრუქტურის მოწყობას გულისხმობს.

,,სრულიად არა სერიოზული და მოუმზადებელი! ... ვის უნახავს ამ მაშტაბის პროექტი მოფიქრებული ორ კვირაში და კიდევაც " მერიასთან გავლილი"???? და ასეთი თანხის მოძიება თუ შეგვიძლია თბილისი ავაშენოთ და არა ვერეს მანჰატანი ... უბრალო ტყუილი თუ ხალხის ნერვებზე ახალი თამაში?

ამ ფორმით წარდგენილი, ეს არქიტექტრული თუ ბიზნეს პროექტი კი არა- წმიდა წყლის პროვოკაციაა!!!... რატომ და რისთვის ეგ სხვა საკითხია! ან კიდევ ვისგან ამაზე თაქვენ იფიქრეთ..

პროექტიც რომ არსებობდეს (და შესაძლებელია ვიღაცას ასეთი რამ ედო უჯრაში) ამის დარქმევა “მანჰატანი” და ვერეზე მისი წარმოდგენა, ეს ხომ თავისთავად პროვოკაცული გზავნილია, რომელიც მიზნად ისახავს იმ ხალხის გაღიზიანებას და გაგიჟებას, რომელიც დღეს კიდევ შოკირებულია და უაღრესად დამძიმებული მომხდარი ტრაგედიით! საზოგადოებისთვის, რომელიც ჯერ კიდევ ელოდება კომისიის შედგენას და მის დასკვნებს რომ დაადგინდეს თუ რა მოხდა ვერეზე, რისი (და არა მაინდამაინც ვისი) ბრალი იყო გარდა სტიქიისა, იმისთვის რომ სამომავლოდ გავიგოთ რისი გაკეთება/აშენება შეიძლება და რისი არა, რა საფრთხეები არსებობს და რა სამუშავოები არის ჩასატარებელი ამ სასფრთხეების პრევენციისათვის, რა ზოლები უნდა იყოს საერთოდ და სამუდამოდ განთავისუფლებული და მშენებლობისთვის აკრძალული, და ასე შემდეგ....

სანამ ეს ჩვენი ახლო წარსულის ტრაგედია მეცნიერული დასკვნებით არ დასრულებულა, ნებისმიერი საუბარი იმაზე თუ რა აშენდება ამ ადგილას და რა შემოსავალის მომტანი იქნება, ეს არის ჩემთვის აშკარა პროვოკაცია, ხალხის გამოწვევა, მისი გაღიზიანებაზე მიმართული საინფორმაციო ზეწოლა!

ვინც ამაზე დუმს ან კიდევ უარესი, ამას ამართლებს -ისე თუ ასე- ამ აურზაურის თანამონაწილე ხდება - ნეფსით თუ უნებლიეთ.... და ხელისუფლებას კი სწორედ ასეთი მოვლენების და განწყობების მართვა ევალება და ხალხის დაწყნარება... დაწყნარება რომელიც მხოლოდ სწორ გადაწყვეტილებს , სწორ ახსნა განმარტებებს მოყვება... და პირველ რიგში სპეციალისტების მიერ დაკომპლექტებულ კომისიის დასკვენბს, მათ გაზიარებას და რჩევების საზოგადოებისთვის მიწოდებას!“ - წერს სალომე ზურაბიშვილი.