პრემიერ-მინისტრი სახელმწიფო დაცვის სპეციალურ სამსახურს დაარსებიდან 21 წლის იუბილეს ულოცავს.

როგორც ირაკლი ღარიბაშვილმა სდსს-ის იუბილესადმი მიძღვნილ ღონისძიებაზე განაცხადა, დღეს სახელმწიფო დაცვის სპეციალური სამსახური ყველა საერთაშორისო სტანდარტს აკმაყოფილებს.

„მინდა მთელ პირად შემადგენლობას, სამსახურის თითოეულ თანამშრომელს მივულოცო დღევანდელი დღე. საქმე, რომელსაც თქვენ ემსახურებით, არის მეტად მნიშვნელოვანი და საპატიო. ეს არის ხალხის და ქვეყნის სამსახური. თქვენ იცავთ ჩვენი ქვეყნის უმაღლესი თანამდებობის პირებს, ასევე სტრატეგიულ ობიექტებს და აკეთებთ ყველაფერს ჩვენი ქვეყნის უსაფრთხოების უზრუნველსაყოფად. მინდა პირადად გადაგიხადოთ მადლობა თითოეულ თქვენგანს, რომ ასე პირნათლად და ერთგულად ემსახურებით სამშობლოს და პირნათლად ასრულებთ დაკისრებულ მოვალეობას. სწორედ თითოეული თქვენგანის დამსახურებაა ის, რომ სახელმწიფო დაცვის სპეციალური სამსახური აკმაყოფილებს ყველა საერთაშორისო სტანდარტს", - განაცხადა ღარიბაშვილმა.