,,თუ როდესმე ხელისუფლებაში მოვედი...“ - როგორ იქცევიან ქართველი მძღოლები

სოც.მედია - 18:55, 26 Jun, 2015

2090

თბილისში ავტომანქანის მძღოლებით აღშფოთებული უფლებადამცველი ირაკლი ვაჭარაძე სოციალურ ქსელში პოსტს წერს. ,,რუსთაველის და ელბაქიძის კვეთაზე ზებრაზე გადავდიოდი. რამდენიმე ქალი საცოდავად აბუზული ელოდებოდა როდის მორჩებოდა რიგი. ავუწიე მანქანებს ხელი. ერთი ორმა გააჩერა. დავიწყეთ გადასვლა. ამ დროს ჯინაზე წინიდან სხვა მანქანებმა ლამის ფეხებზე გადაგვიარეს. ზოგს ვეჩხუბე, ერთ მანქანას ხელები დავუშინე. ქალი იყო მძღოლი. თავხედურად მიყურებს და კიდევ მოიწევს. რაც ძალა მქონდა დავუწყე რტყმევა მანქანას. ეს ხდება აქეთ, უფრო მეტროსკენ. ახლა მანდ მეორე ზებრაცაა. იქაც ქალი იდგა. წამოდი ჩვენი გზაა მეთქი. იქაც იგივე განმეორდა. სულ ქალი მძღოლები იყვნენ, ვინც ჩვენი დანახვისთანავე გაზს აჭერდნენ ფეხს. ამასთან, ამოწეული მინის იქიდან ბატის თვალებით ამოგხედავენ, გაგრძნობინებენ რომ არარაობა ხარ და უნდა გადაგიარონ.

ამ დროს ელბაქიძიდან დიდი ჯიპი ამოსრიალდა, დაინახა რაც ხდებოდა და ვიღაჩამ თავი გადმოყო. სავარაუდოდ მაგრა გავილახებოდი.

ოო ღმერთო როგორ ვნანობ რომ ჩემი დაპირებული ჩაქუჩი არ მქონდა. აუცილებლად დავლეწავდი.

ა ხო, ამ დროს პატრული კრუგავდა. ცხადია არაფერი შეიმჩნია. ამ ქალმა, ვისთან ერთადაც გადმოვედი, "მადლობა სიმართლისთვისო" და წავიდა.

მე კი ხელებდაბუჟებული ამოვედი ოფისში და ვწერ ამას. როგორც კი მექნება შესაძლებლობა (თუ როდესმე ხელისუფლებაში მოვედი), უმკაცრეს ფინანსურ სასჯელს შემოვიღებ ამ ღორობისთვის, რასაც ქართველი მძღოლები აკეთებთ“ - წერს ირაკლი ვაჭარაძე.