ბათუმის მერი გიორგი ერმაკოვი ქალაქის ცენტრში სავაჭრო ჯიხურების დადგმასთან დაკავშირებით განმარტებას აკეთებს.

მისი თქმით, ჯიხურების აღების გადაწყვეტილება მას შემდეგ მიიღოს, რაც „ჭაჭის თაუერის“ მიმდებარებ მათ გამოჩენას ხალხის მხრიდან უარყოფითი რეაქცია მოჰყვა.

"ჯიხურების გადატანა მოხდა იმასთან დაკავშირებით, რომ წლების განმავლობაში გოგებაშვილის ქუჩაზე სავაჭრო ობიექტები იყო სრულიად უკანონოდ ჩადგმული და ზღუდავდა გადაადგილებას. გარემოვაჭრეები არაერთხელ იქნენ გაფრთხილებული, თუმცა ამან შედეგი არ მოგვცა. მივიღეთ გადაწყვეტილება, რომ გზის სავალი ნაწილი გაგვენთავისუფლებინა ამ ჯიხურებისგან. ამას მოჰყვა მოვაჭრეების უკმაყოფილება, რადგან მათ ჰქონდათ შეძენილი სხვადასხვა სახის ნივთები, ამიტომაც მივიღეთ გადაწყვეტილება ჯიხურების სხვა ადგილზე გადატანის შესახებ. ჯიხურების ერთად თავმოყრის შემდეგ, არც მე არ მომეწონა ამ ჯიხურების იერსახე. სეზონის დამთავრებამდე ჯიხურები ძველ ადგილებს დაუბრუნდა, ხოლო სექტემბრიდან ჯიხურების შესახებ ახალი რეგულაცია ამოქმედდება", - აღნიშნა გიორგი ერმაკოვმა.